9. Ādittasuttaṃ
61. Sāvatthinidānaṃ .
‘‘ Rūpaṃ , bhikkhave , ādittaṃ , vedanā ādittā , saññā ādittā , saṅkhārā
V2.66 ādittā , viññāṇaṃ ādittaṃ .Evaṃ passaṃ , bhikkhave , sutavā ariyasāvako rūpasmimpi nibbindati , vedanāyapi … saññāyapi … saṅkhāresupi … viññāṇasmimpi
M2.59 nibbindati .Nibbindaṃ virajjati ;
virāgā vimuccati .
Vimuttasmiṃ vimuttamiti ñāṇaṃ hoti .
‘ Khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyā ’ ti pajānātī ’’ ti .
Navamaṃ .