14. Kukkuḷavaggo
1. Kukkuḷasuttaṃ
136. Sāvatthinidānaṃ
T3.217 .‘‘ Rūpaṃ , bhikkhave , kukkuḷaṃ , vedanā kukkuḷā , saññā kukkuḷā , saṅkhārā kukkuḷā , viññāṇaṃ kukkuḷaṃ .
Evaṃ passaṃ , bhikkhave , sutavā ariyasāvako rūpasmimpi nibbindati , vedanāyapi nibbindati , saññāyapi nibbindati , saṅkhāresupi nibbindati , viññāṇasmimpi nibbindati .
Nibbindaṃ virajjati ;
virāgā vimuccati .
Vimuttasmiṃ vimuttamiti ñāṇaṃ hoti .
‘ Khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyā ’ ti pajānātī ’’ ti .
Paṭhamaṃ .
2. Aniccasuttaṃ
137. Sāvatthinidānaṃ .
‘‘ Yaṃ , bhikkhave , aniccaṃ ;
tatra vo chando pahātabbo .
Kiñca , bhikkhave , aniccaṃ ?
Rūpaṃ
P3.178 , bhikkhave , aniccaṃ ;tatra vo chando pahātabbo .
Vedanā aniccā … pe … saññā … saṅkhārā … viññāṇaṃ aniccaṃ ;
tatra vo chando pahātabbo .
Yaṃ , bhikkhave , aniccaṃ ;
tatra vo chando pahātabbo ’’ ti .
Dutiyaṃ .
3. Dutiyaaniccasuttaṃ
138. Sāvatthinidānaṃ
V2.162M2.146 .‘‘ Yaṃ , bhikkhave , aniccaṃ ;
tatra vo rāgo pahātabbo .
Kiñca , bhikkhave , aniccaṃ ?
Rūpaṃ , bhikkhave , aniccaṃ ;
tatra vo rāgo pahātabbo .
Vedanā aniccā … saññā … saṅkhārā … viññāṇaṃ aniccaṃ ;
tatra vo rāgo pahātabbo .
Yaṃ , bhikkhave , aniccaṃ ;
tatra vo rāgo pahātabbo ’’ ti .
Tatiyaṃ .
4. Tatiyaaniccasuttaṃ
139. Sāvatthinidānaṃ .
‘‘ Yaṃ , bhikkhave , aniccaṃ ;
tatra vo chandarāgo pahātabbo
T3.218 .Kiñca , bhikkhave , aniccaṃ ?
Rūpaṃ , bhikkhave , aniccaṃ , tatra vo chandarāgo pahātabbo .
Vedanā aniccā … saññā … saṅkhārā … viññāṇaṃ aniccaṃ ;
tatra vo chandarāgo pahātabbo .
Yaṃ , bhikkhave , aniccaṃ ;
tatra vo chandarāgo pahātabbo ’’ ti .
Catutthaṃ .
5. Dukkhasuttaṃ
140. Sāvatthinidānaṃ .
‘‘ Yaṃ , bhikkhave , dukkhaṃ ;
tatra vo chando pahātabbo … pe … yaṃ , bhikkhave , dukkhaṃ ;
tatra vo chando pahātabbo ’’ ti .
Pañcamaṃ .
6. Dutiyadukkhasuttaṃ
141. Sāvatthinidānaṃ .
‘‘ Yaṃ , bhikkhave , dukkhaṃ ;
tatra vo rāgo pahātabbo … pe … yaṃ , bhikkhave , dukkhaṃ ;
tatra vo rāgo pahātabbo ’’ ti .
Chaṭṭhaṃ .
7. Tatiyadukkhasuttaṃ
142. Sāvatthinidānaṃ .
‘‘ Yaṃ , bhikkhave , dukkhaṃ ;
tatra vo chandarāgo pahātabbo … pe … yaṃ , bhikkhave , dukkhaṃ ;
tatra vo chandarāgo pahātabbo ’’ ti .
Sattamaṃ .
8. Anattasuttaṃ
143. Sāvatthinidānaṃ
V2.163 .‘‘ Yo , bhikkhave , anattā ;
tatra vo chando pahātabbo .
Ko ca , bhikkhave , anattā ?
Rūpaṃ , bhikkhave , anattā ;
tatra vo chando pahātabbo .
Vedanā anattā … saññā … saṅkhārā … viññāṇaṃ anattā ;
tatra vo chando pahātabbo .
Yo , bhikkhave , anattā ;
tatra vo chando pahātabbo ’’ ti .
Aṭṭhamaṃ .
9. Dutiyaanattasuttaṃ
144. Sāvatthinidānaṃ
M2.147 .‘‘ Yo , bhikkhave , anattā ;
tatra vo rāgo pahātabbo
P3.179 .Ko ca , bhikkhave , anattā ?
Rūpaṃ , bhikkhave , anattā ;
tatra vo rāgo pahātabbo .
Vedanā anattā … saññā … saṅkhārā … viññāṇaṃ anattā ;
tatra vo rāgo pahātabbo .
Yo , bhikkhave , anattā ;
tatra vo rāgo pahātabbo ’’ ti .
Navamaṃ .
10. Tatiyaanattasuttaṃ
145. Sāvatthinidānaṃ .
‘‘ Yo , bhikkhave , anattā ;
tatra vo chandarāgo pahātabbo .
Ko ca , bhikkhave , anattā ?
Rūpaṃ , bhikkhave , anattā ;
tatra vo chandarāgo pahātabbo .
Vedanā anattā … saññā … saṅkhārā … viññāṇaṃ anattā ;
tatra vo chandarāgo pahātabbo .
Yo
T3.219 , bhikkhave , anattā ;tatra vo chandarāgo pahātabbo ’’ ti .
Dasamaṃ .
11. Nibbidābahulasuttaṃ
146. Sāvatthinidānaṃ .
‘‘ Saddhāpabbajitassa , bhikkhave , kulaputtassa ayamanudhammo hoti – yaṃ rūpe nibbidābahulo [ nibbidābahulaṃ ( syā . kaṃ . pī . ka .)] vihareyya .
Vedanāya … pe … saññāya … saṅkhāresu … viññāṇe nibbidābahulo vihareyya .
Yo rūpe nibbidābahulo viharanto , vedanāya … saññāya … saṅkhāresu … viññāṇe nibbidābahulo viharanto rūpaṃ parijānāti , vedanaṃ … saññaṃ … saṅkhāre … viññāṇaṃ parijānāti ;
so rūpaṃ parijānaṃ
V2.164 vedanaṃ parijānaṃ saññaṃ parijānaṃ saṅkhāre parijānaṃ viññāṇaṃ parijānaṃ parimuccati rūpamhā , parimuccati vedanāya , parimuccati saññāya , parimuccati saṅkhārehi , parimuccati viññāṇamhā , parimuccati jātiyā jarāya maraṇena sokehi paridevehi dukkhehi domanassehi upāyāsehi ;‘ parimuccati dukkhasmā ’ ti vadāmī ’’ ti .
Ekādasamaṃ .
12. Aniccānupassīsuttaṃ
147. Sāvatthinidānaṃ .
‘‘ Saddhāpabbajitassa , bhikkhave , kulaputtassa ayamanudhammo hoti – yaṃ rūpe aniccānupassī vihareyya .
Vedanāya … saññāya … saṅkhāresu … viññāṇe aniccānupassī vihareyya … pe …‘ parimuccati dukkhasmā ’ ti vadāmī ’’ ti .
Dvādasamaṃ .
13. Dukkhānupassīsuttaṃ
148. Sāvatthinidānaṃ
M2.148 .‘‘ Saddhāpabbajitassa , bhikkhave , kulaputtassa ayamanudhammo hoti – yaṃ rūpe dukkhānupassī vihareyya .
Vedanāya … saññāya … saṅkhāresu … viññāṇe dukkhānupassī vihareyya … pe …‘ parimuccati
P3.180 dukkhasmā ’ ti vadāmī ’’ ti .Terasamaṃ .
14. Anattānupassīsuttaṃ
149. Sāvatthinidānaṃ
T3.220 .‘‘ Saddhāpabbajitassa , bhikkhave , kulaputtassa ayamanudhammo hoti – yaṃ rūpe anattānupassī vihareyya .
Vedanāya … saññāya … saṅkhāresu … viññāṇe anattānupassī vihareyya .( So rūpe ) anattānupassī viharanto , vedanāya … saññāya … saṅkhāresu … viññāṇe anattānupassī viharanto rūpaṃ parijānāti , vedanaṃ … pe … saññaṃ … saṅkhāre … viññāṇaṃ parijānāti .
So rūpaṃ parijānaṃ vedanaṃ parijānaṃ saññaṃ parijānaṃ saṅkhāre parijānaṃ viññāṇaṃ parijānaṃ parimuccati rūpamhā , parimuccati vedanāya , parimuccati saññāya , parimuccati saṅkhārehi , parimuccati viññāṇamhā
V2.165 , parimuccati jātiyā jarāya maraṇena sokehi paridevehi dukkhehi domanassehi upāyāsehi ;‘ parimuccati dukkhasmā ’ ti vadāmī ’’ ti .
Cuddasamaṃ .
Kukkuḷavaggo cuddasamo .
Tassuddānaṃ –
Kukkuḷā tayo aniccena , dukkhena apare tayo ;
Anattena tayo vuttā , kulaputtena dve dukāti .