问题
编辑器
设置
版本
选择版本
sāsanāre-သာသနာရေး
မြန်မာဘာသာ
Khandhavaggo
Khandhavaggo

6. Kilesasaṃyuttaṃ

作者： _System_Pali_VRI_ @ Administrator

6. Kilesasaṃyuttaṃ

1. Cakkhusuttaṃ

322. SāvatthinidānaṃT3.288V2.228P3.232M2.194 .
‘‘ Yo , bhikkhave , cakkhusmiṃ chandarāgo , cittasseso upakkileso .
Yo sotasmiṃ chandarāgo , cittasseso upakkileso .
Yo ghānasmiṃ chandarāgo , cittasseso upakkileso .
Yo jivhāya chandarāgo , cittasseso upakkileso .
Yo kāyasmiṃ chandarāgo , cittasseso upakkileso .
Yo manasmiṃ chandarāgo , cittasseso upakkileso .
Yato kho , bhikkhave , bhikkhuno imesu chasu ṭhānesu cetaso upakkileso pahīno hoti , nekkhammaninnañcassa cittaṃ hoti .
Nekkhammaparibhāvitaṃ cittaṃ kammaniyaṃ khāyati , abhiññā sacchikaraṇīyesu dhammesū ’’ ti .
Paṭhamaṃ .

2. Rūpasuttaṃ

323. Sāvatthinidānaṃ .
‘‘ Yo , bhikkhave , rūpesu chandarāgo , cittasseso upakkileso .
Yo saddesu … yo gandhesu … yo rasesu … yo phoṭṭhabbesu … yo dhammesu chandarāgo , cittasseso upakkileso .
Yato kho , bhikkhave , bhikkhuno imesu chasu ṭhānesu cetaso upakkileso pahīno hoti , nekkhammaninnañcassa cittaṃ hoti .
Nekkhammaparibhāvitaṃ cittaṃ kammaniyaṃ khāyati , abhiññā sacchikaraṇīyesu dhammesū ’’ ti .
Dutiyaṃ .

3. Viññāṇasuttaṃ

324. Sāvatthinidānaṃ .
‘‘ Yo , bhikkhave , cakkhuviññāṇasmiṃ chandarāgo , cittasseso upakkileso .
Yo sotaviññāṇasmiṃ … yo ghānaviññāṇasmiṃ … yo jivhāviññāṇasmiṃ … yoV2.229 kāyaviññāṇasmiṃ … yo manoviññāṇasmiṃ chandarāgo , cittasseso upakkileso .
Yato khoT3.289 , bhikkhave , bhikkhuno imesu chasu ṭhānesu cetaso upakkileso pahīno hoti , nekkhammaninnañcassa cittaṃP3.233 hoti .
Nekkhammaparibhāvitaṃ cittaṃ kammaniyaṃ khāyati , abhiññā sacchikaraṇīyesu dhammesū ’’ ti .
Tatiyaṃ .

4. Samphassasuttaṃ

325. SāvatthinidānaṃM2.195 .
‘‘ Yo , bhikkhave , cakkhusamphassasmiṃ chandarāgo , cittasseso upakkileso .
Yo sotasamphassasmiṃ … yo ghānasamphassasmiṃ … yo jivhāsamphassasmiṃ … yo kāyasamphassasmiṃ … yo manosamphassasmiṃ chandarāgo , cittasseso upakkileso .
Yato kho , bhikkhave , bhikkhuno … pe … abhiññā sacchikaraṇīyesu dhammesū ’’ ti .
Catutthaṃ .

5. Samphassajasuttaṃ

326. Sāvatthinidānaṃ .
‘‘ Yo , bhikkhave , cakkhusamphassajāya vedanāya chandarāgo , cittasseso upakkileso .
Yo sotasamphassajāya vedanāya … yo ghānasamphassajāya vedanāya … yo jivhāsamphassajāya vedanāya … yo kāyasamphassajāya vedanāya … yo manosamphassajāya vedanāya chandarāgo , cittasseso upakkileso .
Yato kho , bhikkhave , bhikkhuno … pe … abhiññā sacchikaraṇīyesu dhammesū ’’ ti .
Pañcamaṃ .

6. Saññāsuttaṃ

327. Sāvatthinidānaṃ .
‘‘ Yo , bhikkhave , rūpasaññāya chandarāgo , cittasseso upakkileso .
Yo saddasaññāya … yo gandhasaññāya … yo rasasaññāya … yo phoṭṭhabbasaññāya … yo dhammasaññāya chandarāgo , cittasseso upakkilesoV2.230 .
Yato kho , bhikkhave , bhikkhuno … pe … abhiññā sacchikaraṇīyesu dhammesū ’’ ti .
Chaṭṭhaṃ .

7. Sañcetanāsuttaṃ

328. Sāvatthinidānaṃ .
‘‘ Yo , bhikkhave , rūpasañcetanāya chandarāgo , cittasseso upakkileso .
Yo saddasañcetanāya … yo gandhasañcetanāya … yoP3.234 rasasañcetanāya … yo phoṭṭhabbasañcetanāya … yo dhammasañcetanāya chandarāgo , cittasseso upakkileso .
Yato kho , bhikkhave , bhikkhuno … pe … abhiññā sacchikaraṇīyesu dhammesū ’’ ti .
Sattamaṃ .

8. Taṇhāsuttaṃ

329. SāvatthinidānaṃM2.196 .
‘‘ Yo , bhikkhave , rūpataṇhāya chandarāgo , cittasseso upakkileso .
Yo saddataṇhāya … yo gandhataṇhāya … yo rasataṇhāya … yo phoṭṭhabbataṇhāya … yo dhammataṇhāya chandarāgoT3.290 , cittasseso upakkileso .
Yato kho , bhikkhave , bhikkhuno … pe … abhiññā sacchikaraṇīyesu dhammesū ’’ ti .
Aṭṭhamaṃ .

9. Dhātusuttaṃ

330. Sāvatthinidānaṃ .
‘‘ Yo , bhikkhave , pathavīdhātuyā chandarāgo , cittasseso upakkileso .
Yo āpodhātuyā … yo tejodhātuyā … yo vāyodhātuyā … yo ākāsadhātuyā … yo viññāṇadhātuyā chandarāgo , cittasseso upakkileso .
Yato kho , bhikkhave , bhikkhuno imesu chasu ṭhānesu cetaso upakkileso pahīno hoti , nekkhammaninnañcassa cittaṃV2.231 hoti .
Nekkhammaparibhāvitaṃ cittaṃ kammaniyaṃ khāyati , abhiññā sacchikaraṇīyesu dhammesū ’’ ti .
Navamaṃ .

10. Khandhasuttaṃ

331. Sāvatthinidānaṃ .
‘‘ Yo , bhikkhave , rūpasmiṃ chandarāgo , cittasseso upakkileso … pe … yo viññāṇasmiṃ chandarāgo , cittasseso upakkileso .
Yato kho , bhikkhave , bhikkhuno imesu pañcasu ṭhānesu cetaso upakkileso pahīno hoti , nekkhammaninnañcassa cittaṃ hoti .
Nekkhammaparibhāvitaṃ cittaṃ kammaniyaṃ khāyati , abhiññā sacchikaraṇīyesu dhammesū ’’ ti .
Dasamaṃ .
Kilesasaṃyuttaṃ samattaṃ .
Tassuddānaṃ –
CakkhuP3.235 rūpañca viññāṇaṃ , phasso ca vedanāya ca ;
Saññā ca cetanā taṇhā , dhātu khandhena te dasāti .