1. Kukkuḷasuttaṃ
136. Sāvatthinidānaṃ
T3.217 .‘‘ Rūpaṃ , bhikkhave , kukkuḷaṃ , vedanā kukkuḷā , saññā kukkuḷā , saṅkhārā kukkuḷā , viññāṇaṃ kukkuḷaṃ .
Evaṃ passaṃ , bhikkhave , sutavā ariyasāvako rūpasmimpi nibbindati , vedanāyapi nibbindati , saññāyapi nibbindati , saṅkhāresupi nibbindati , viññāṇasmimpi nibbindati .
Nibbindaṃ virajjati ;
virāgā vimuccati .
Vimuttasmiṃ vimuttamiti ñāṇaṃ hoti .
‘ Khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyā ’ ti pajānātī ’’ ti .
Paṭhamaṃ .