10. Catutthasutasuttaṃ

Author： _System_Pali_VRI_ @ Administrator

351. Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacco kāyassaT3.302 bhedā paraṃ maraṇā opapātikānaṃ nāgānaṃ sahabyataṃ upapajjatī ’’ ti ?

‘‘ Idha , bhikkhu , ekacco kāyena dvayakārī hoti , vācāya dvayakārī , manasā dvayakārī .

Tassa sutaṃ hoti –

‘ opapātikā nāgā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedā paraṃ maraṇā opapātikānaṃ nāgānaṃ sahabyataṃ upapajjeyyan ’ ti .

So kāyassa bhedā paraṃ maraṇā opapātikānaṃ nāgānaṃ sahabyataṃ upapajjati .

Ayaṃ kho , bhikkhu , hetu , ayaṃ paccayo , yena midhekacco kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī ’’ ti .

Dasamaṃ .