5. Sattaṭṭhānasuttaṃ

Author： _System_Pali_VRI_ @ Administrator

5. Sattaṭṭhānasuttaṃ

57. Sāvatthinidānaṃ .

‘‘ Sattaṭṭhānakusalo , bhikkhave , bhikkhu tividhūpaparikkhī imasmiṃ dhammavinaye kevalī vusitavā uttamapurisoti vuccati .

Kathañca , bhikkhave , bhikkhu sattaṭṭhānakusalo hoti ?

IdhaP3.62 , bhikkhave , bhikkhu rūpaṃ pajānāti , rūpasamudayaṃ pajānāti , rūpanirodhaṃ pajānāti , rūpanirodhagāminiṃM2.51 paṭipadaṃ pajānāti ;

rūpassa assādaṃ pajānāti , rūpassa ādīnavaṃ pajānāti , rūpassa nissaraṇaṃ pajānāti ;

vedanaṃ pajānātiV2.57 … saññaṃ … saṅkhāre … viññāṇaṃ pajānāti , viññāṇasamudayaṃ pajānāti , viññāṇanirodhaṃ pajānāti , viññāṇanirodhagāminiṃ paṭipadaṃ pajānāti ;

viññāṇassa assādaṃ pajānāti , viññāṇassa ādīnavaṃ pajānāti , viññāṇassa nissaraṇaṃ pajānāti .

‘‘ Katamañca , bhikkhave , rūpaṃ ?

Cattāro ca mahābhūtā , catunnañca mahābhūtānaṃ upādāya rūpaṃ .

Idaṃ vuccati , bhikkhave , rūpaṃ .

Āhārasamudayā rūpasamudayo ;

āhāranirodhā rūpanirodho .

Ayameva ariyoT3.77 aṭṭhaṅgiko maggo rūpanirodhagāminī paṭipadā , seyyathidaṃ – sammādiṭṭhi … pe … sammāsamādhi .

‘‘ Yaṃ rūpaṃ paṭicca uppajjati sukhaṃ somanassaṃ – ayaṃ rūpassa assādo .

Yaṃ rūpaṃ aniccaṃ dukkhaṃ vipariṇāmadhammaṃ – ayaṃ rūpassa ādīnavo .

Yo rūpasmiṃ chandarāgavinayo chandarāgappahānaṃ – idaṃ rūpassa nissaraṇaṃ .

‘‘ Ye hi keci , bhikkhave , samaṇā vā brāhmaṇā vā evaṃ rūpaṃ abhiññāya , evaṃ rūpasamudayaṃ abhiññāya , evaṃ rūpanirodhaṃ abhiññāya , evaṃ rūpanirodhagāminiṃ paṭipadaṃ abhiññāya ;

evaṃ rūpassa assādaṃ abhiññāya , evaṃ rūpassa ādīnavaṃ abhiññāya , evaṃ rūpassa nissaraṇaṃ abhiññāya rūpassa nibbidāya virāgāya nirodhāya paṭipannā , te suppaṭipannā .

Ye suppaṭipannā , te imasmiṃ dhammavinaye gādhanti .

‘‘ Ye ca kho keci , bhikkhave , samaṇā vā brāhmaṇā vā evaṃ rūpaṃ abhiññāya , evaṃ rūpasamudayaṃ abhiññāya , evaṃ rūpanirodhaṃ abhiññāya , evaṃ rūpanirodhagāminiṃ paṭipadaṃ abhiññāya ;

evaṃ rūpassa assādaṃ abhiññāya , evaṃ rūpassa ādīnavaṃ abhiññāya , evaṃ rūpassa nissaraṇaṃP3.63 abhiññāya rūpassa nibbidā virāgā nirodhā anupādā vimuttā , te suvimuttā .

Ye suvimuttā , te kevalino .

Ye kevalino vaṭṭaṃ tesaṃ natthi paññāpanāya .

‘‘ Katamā ca , bhikkhave , vedanā ?

Chayime , bhikkhave , vedanākāyā – cakkhusamphassajā vedanā … pe …V2.58 manosamphassajā vedanā .

Ayaṃ vuccati , bhikkhave , vedanā .

Phassasamudayā vedanāsamudayo ;

phassanirodhāT3.78 vedanānirodho .

Ayameva ariyo aṭṭhaṅgiko maggo vedanānirodhagāminī paṭipadā , seyyathidaṃ – sammādiṭṭhi … pe … sammāsamādhi .

‘‘ YaṃM2.52 vedanaṃ paṭicca uppajjati sukhaṃ somanassaṃ – ayaṃ vedanāya assādo .

Yā vedanā aniccā dukkhā vipariṇāmadhammā – ayaṃ vedanāya ādīnavo .

Yo vedanāya chandarāgavinayo chandarāgappahānaṃ – idaṃ vedanāya nissaraṇaṃ .

‘‘ Ye hi , keci , bhikkhave , samaṇā vā brāhmaṇā vā evaṃ vedanaṃ abhiññāya , evaṃ vedanāsamudayaṃ abhiññāya , evaṃ vedanānirodhaṃ abhiññāya , evaṃ vedanānirodhagāminiṃ paṭipadaṃ abhiññāya ;

evaṃ vedanāya assādaṃ abhiññāya , evaṃ vedanāya ādīnavaṃ abhiññāya , evaṃ vedanāya nissaraṇaṃ abhiññāya vedanāya nibbidāya virāgāya nirodhāya paṭipannā , te suppaṭipannā .

Ye suppaṭipannā , te imasmiṃ dhammavinaye gādhanti .

‘‘ Ye ca kho keci , bhikkhave , samaṇā vā brāhmaṇā vā evaṃ vedanaṃ abhiññāya … pe … vaṭṭaṃ tesaṃ natthi paññāpanāya .

‘‘ Katamā ca , bhikkhave , saññā ?

Chayime , bhikkhave , saññākāyā – rūpasaññā , saddasaññā , gandhasaññā , rasasaññā , phoṭṭhabbasaññā , dhammasaññā .

Ayaṃ vuccati , bhikkhave , saññā .

Phassasamudayā saññāsamudayo ;

phassanirodhā saññānirodho .

Ayameva ariyo aṭṭhaṅgiko maggo saññānirodhagāminī paṭipadā , seyyathidaṃ – sammādiṭṭhi … pe … sammāsamādhi … pe … vaṭṭaṃ tesaṃ natthi paññāpanāya .

‘‘ KatameT3.79 ca , bhikkhave , saṅkhārā ?

Chayime , bhikkhave , cetanākāyā – rūpasañcetanā , saddasañcetanā , gandhasañcetanā , rasasañcetanā , phoṭṭhabbasañcetanā , dhammasañcetanā .

Ime vuccanti bhikkhaveV2.59 , saṅkhārā .

Phassasamudayā saṅkhārasamudayo ;

phassanirodhā saṅkhāranirodhoP3.64 .

Ayameva ariyo aṭṭhaṅgiko maggo saṅkhāranirodhagāminī paṭipadā , seyyathidaṃ – sammādiṭṭhi … pe … sammāsamādhi .

‘‘ Yaṃ saṅkhāre paṭicca uppajjati sukhaṃ somanassaṃ – ayaṃ saṅkhārānaṃ assādo .

Ye saṅkhārā aniccā dukkhā vipariṇāmadhammā – ayaṃ saṅkhārānaṃ ādīnavo .

Yo saṅkhāresu chandarāgavinayo chandarāgappahānaṃ – idaṃ saṅkhārānaṃ nissaraṇaṃ .

‘‘ Ye hi keci , bhikkhave , samaṇā vā brāhmaṇā vā evaṃ saṅkhāre abhiññāya , evaṃ saṅkhārasamudayaṃ abhiññāya , evaṃ saṅkhāranirodhaṃ abhiññāya , evaṃ saṅkhāranirodhagāminiṃ paṭipadaṃ abhiññāya … pe … saṅkhārānaṃ nibbidāya virāgāya nirodhāyaM2.53 paṭipannā te suppaṭipannā .

Ye suppaṭipannā , te imasmiṃ dhammavinaye gādhanti … pe … vaṭṭaṃ tesaṃ natthi paññāpanāya .

‘‘ Katamañca , bhikkhave , viññāṇaṃ ?

Chayime , bhikkhave , viññāṇakāyā – cakkhuviññāṇaṃ , sotaviññāṇaṃ , ghānaviññāṇaṃ , jivhāviññāṇaṃ , kāyaviññāṇaṃ , manoviññāṇaṃ .

Idaṃ vuccati , bhikkhave , viññāṇaṃ .

Nāmarūpasamudayā viññāṇasamudayo ;

nāmarūpanirodhā viññāṇanirodho .

Ayameva ariyo aṭṭhaṅgiko maggo viññāṇanirodhagāminī paṭipadā , seyyathidaṃ – sammādiṭṭhi … pe … sammāsamādhi .

‘‘ YaṃT3.80 viññāṇaṃ paṭicca uppajjati sukhaṃ somanassaṃ – ayaṃ viññāṇassa assādo .

Yaṃ viññāṇaṃ aniccaṃ dukkhaṃ vipariṇāmadhammaṃ – ayaṃ viññāṇassa ādīnavo .

Yo viññāṇasmiṃ chandarāgavinayo chandarāgappahānaṃ – idaṃ viññāṇassa nissaraṇaṃ .

‘‘ Ye hi keci , bhikkhave , samaṇā vā brāhmaṇā vā evaṃ viññāṇaṃ abhiññāya , evaṃ viññāṇasamudayaṃ abhiññāya , evaṃ viññāṇanirodhaṃ abhiññāya , evaṃ viññāṇanirodhagāminiṃ paṭipadaṃ abhiññāya ;

evaṃ viññāṇassa assādaṃ abhiññāya , evaṃ viññāṇassa ādīnavaṃ abhiññāya , evaṃ viññāṇassa nissaraṇaṃ abhiññāya viññāṇassa nibbidāya virāgāya nirodhāya paṭipannā , te suppaṭipannā .

Ye suppaṭipannā , te imasmiṃ dhammavinaye gādhanti .

‘‘ YeV2.60P3.65 ca kho keci , bhikkhave , samaṇā vā brāhmaṇā vā evaṃ viññāṇaṃ abhiññāya , evaṃ viññāṇasamudayaṃ abhiññāya , evaṃ viññāṇanirodhaṃ abhiññāya , evaṃ viññāṇanirodhagāminiṃ paṭipadaṃ abhiññāya ;

evaṃ viññāṇassa assādaṃ abhiññāya , evaṃ viññāṇassa ādīnavaṃ abhiññāya , evaṃ viññāṇassa nissaraṇaṃ abhiññāya viññāṇassa nibbidā virāgā nirodhā anupādā vimuttā , te suvimuttā .

Ye suvimuttā , te kevalino .

Ye kevalino vaṭṭaṃ tesaṃ natthi paññāpanāya .

Evaṃ kho , bhikkhave , bhikkhu sattaṭṭhānakusalo hoti .

‘‘ Kathañca , bhikkhave , bhikkhu tividhūpaparikkhī hoti ?

Idha , bhikkhave , bhikkhu dhātuso upaparikkhati , āyatanaso upaparikkhati , paṭiccasamuppādaso upaparikkhatiT3.81M2.54 .

Evaṃ kho , bhikkhave , bhikkhu tividhūpaparikkhī hoti .

Sattaṭṭhānakusalo , bhikkhave , bhikkhu tividhūpaparikkhī , imasmiṃ dhammavinaye kevalī vusitavā ‘ uttamapuriso ’ ti vuccatī ’’ ti .

Pañcamaṃ .

Issues

Select Version

Khandhavaggo

Khandhavaggo