3. Saññāaññāṇasuttaṃ
609. Sāvatthinidānaṃ .
Ekamantaṃ nisinno kho vacchagotto paribbājako
P3.259 bhagavantaṃ etadavoca –‘‘ ko nu kho , bho gotama , hetu , ko paccayo , yānimāni anekavihitāni diṭṭhigatāni loke uppajjanti – sassato lokoti vā , asassato lokoti vā … pe … neva hoti na na hoti tathāgato paraṃ maraṇāti vā ’’ ti ?
‘‘ Saññāya kho , vaccha , aññāṇā , saññāsamudaye aññāṇā , saññānirodhe aññāṇā , saññānirodhagāminiyā
T3.321 paṭipadāya aññāṇā ;evamimāni anekavihitāni diṭṭhigatāni loke uppajjanti – sassato lokoti vā , asassato lokoti vā … pe … neva hoti na na hoti tathāgato paraṃ maraṇāti vāti .
Ayaṃ kho , vaccha , hetu , ayaṃ paccayo , yānimāni anekavihitāni diṭṭhigatāni loke uppajjanti – sassato lokoti vā , asassato lokoti vā … pe … neva hoti na na hoti tathāgato paraṃ maraṇāti vā ’’ ti .
Tatiyaṃ .