问题
编辑器
设置
版本
选择版本
sāsanāre-သာသနာရေး
မြန်မာဘာသာ
Khandhavaggo
Khandhavaggo

2. Rādhasaṃyuttaṃ

作者： _System_Pali_VRI_ @ Administrator

2. Rādhasaṃyuttaṃ

1. Paṭhamavaggo

1. Mārasuttaṃ

160. SāvatthinidānaṃT3.231V2.174M2.154 .
Atha kho āyasmā rādho yena bhagavā tenupasaṅkamiP3.189 ;
upasaṅkamitvā bhagavantaṃ abhivādetvā ekamantaṃ nisīdi .
Ekamantaṃ nisinno kho āyasmā rādho bhagavantaṃ etadavoca –
‘‘‘ Māro , māro ’ ti , bhante , vuccati .
Kittāvatā nu kho , bhante , māro ’’ ti ?
‘‘ Rūpe kho , rādha , sati māro vā assa māretā vā yo vā pana mīyati .
Tasmātiha tvaṃ , rādha , rūpaṃ māroti passa , māretāti passa , mīyatīti passa , rogoti passa , gaṇḍoti passa , sallanti passa , aghanti passa , aghabhūtanti passa .
Ye naṃ evaṃ passanti te sammā passanti .
Vedanāya sati … saññāya sati … saṅkhāresu sati … viññāṇe sati māro vā assa māretā vā yo vā pana mīyati .
Tasmātiha tvaṃ , rādha , viññāṇaṃ māroti passa , māretāti passa , mīyatīti passa , rogoti passa , gaṇḍoti passa , sallanti passa , aghanti passa , aghabhūtanti passa .
Ye naṃ evaṃ passanti , te sammā passantī ’’ ti .
‘‘ Sammādassanaṃ pana , bhante , kimatthiyan ’’ ti ?
‘‘ Sammādassanaṃ kho , rādha , nibbidatthaṃ ’’.
‘‘ Nibbidā pana , bhante , kimatthiyā ’’ ti ?
‘‘ Nibbidā kho , rādha , virāgatthā ’’.
‘‘ VirāgoT3.232 pana , bhanteV2.175 , kimatthiyo ’’ ti ?
‘‘ Virāgo kho , rādha , vimuttattho ’’.
‘‘ Vimutti pana , bhante , kimatthiyā ’’ ti ?
‘‘ Vimutti kho , rādha , nibbānatthā ’’.
‘‘ Nibbānaṃ pana , bhante , kimatthiyan ’’ ti ?
‘‘ Accayāsi [ accasarā ( sī . syā . kaṃ .), assa ( pī .), accayā ( ka .)], rādha , pañhaṃ , nāsakkhi pañhassa pariyantaṃ gahetuṃ .
Nibbānogadhañhi , rādha , brahmacariyaṃ vussati , nibbānaparāyanaṃ nibbānapariyosānan ’’ ti .
Paṭhamaṃ .

2. Sattasuttaṃ

161. Sāvatthinidānaṃ .
Ekamantaṃ nisinno kho āyasmā rādho bhagavantaṃP3.190 etadavoca –
‘‘‘ satto , satto ’ ti , bhante , vuccati .
Kittāvatā nu kho , bhanteM2.155 , sattoti vuccatī ’’ ti ?
‘‘ Rūpe kho , rādha , yo chando yo rāgo yā nandī yā taṇhā , tatra satto , tatra visatto , tasmā sattoti vuccati .
Vedanāya … saññāya … saṅkhāresu … viññāṇe yo chando yo rāgo yā nandī yā taṇhā , tatra satto , tatra visatto , tasmā sattoti vuccati ’’.
‘‘ Seyyathāpi , rādha , kumārakā vā kumārikāyo vā paṃsvāgārakehi kīḷanti .
Yāvakīvañca tesu paṃsvāgārakesu avigatarāgā honti avigatacchandā avigatapemā avigatapipāsā avigatapariḷāhā avigatataṇhā , tāva tāni paṃsvāgārakāni allīyanti keḷāyanti dhanāyantiT3.233 [ manāyanti ( sī . pī . ka .)] mamāyanti .
Yato ca kho , rādha , kumārakā vā kumārikāyo vā tesu paṃsvāgārakesu vigatarāgā honti vigatacchandā vigatapemā vigatapipāsā vigatapariḷāhā vigatataṇhā , atha kho tāni paṃsvāgārakāni hatthehi ca pādehi ca vikiranti vidhamanti viddhaṃsenti vikīḷaniyaṃ [ vikīḷanikaṃ ( sī . syā . kaṃ . pī .)] karonti .
Evameva kho , rādha , tumhepi rūpaṃ vikiratha vidhamatha viddhaṃsetha vikīḷaniyaṃ karotha taṇhākkhayāya paṭipajjatha .
Vedanaṃ vikiratha vidhamatha viddhaṃsetha vikīḷaniyaṃ karotha taṇhākkhayāya paṭipajjatha .
Saññaṃ … saṅkhāre vikiratha vidhamatha viddhaṃsetha vikīḷaniyaṃ karotha taṇhākkhayāya paṭipajjatha .
Viññāṇaṃ vikiratha vidhamatha viddhaṃsetha vikīḷaniyaṃ karotha taṇhākkhayāya paṭipajjatha .
Taṇhākkhayo hi , rādha , nibbānan ’’ ti .
Dutiyaṃ .

3. Bhavanettisuttaṃ

162. Sāvatthinidānaṃ .
Ekamantaṃ nisinno kho āyasmā rādho bhagavantaṃ etadavoca –
‘‘‘ bhavanettinirodhoV2.176 [ bhavanetti ( sī . syā . kaṃ . pī .)], bhavanettinirodho ’ ti [ bhavanettīti ( sī . syā . kaṃ .)], bhante , vuccati .
Katamā nu kho , bhante , bhavanetti , katamo bhavanettinirodho ’’ ti ?
‘‘ RūpeP3.191 kho , rādha , yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā – ayaṃ vuccati bhavanetti .
Tesaṃ nirodho [ nirodhā ( sī . syā . kaṃ . pī .)] bhavanettinirodho .
Vedanāya … saññāya … saṅkhāresuM2.156 … viññāṇe yo chando … pe … adhiṭṭhānābhinivesānusayāT3.234 – ayaṃ vuccati bhavanetti .
Tesaṃ nirodho bhavanettinirodho ’’ ti .
Tatiyaṃ .

4. Pariññeyyasuttaṃ

163. Sāvatthinidānaṃ .
Āyasmā rādho yena bhagavā tenupasaṅkami ;
upasaṅkamitvā bhagavantaṃ abhivādetvā ekamantaṃ nisīdi .
Ekamantaṃ nisinnaṃ kho āyasmantaṃ rādhaṃ bhagavā etadavoca –
‘‘ Pariññeyye ca , rādha , dhamme desessāmi pariññañca pariññātāviṃ puggalañca .
Taṃ suṇāhi , sādhukaṃ manasi karohi ;
bhāsissāmī ’’ ti .
‘‘ Evaṃ , bhante ’’ ti kho āyasmā rādho bhagavato paccassosi .
Bhagavā etadavoca –
‘‘ katame ca , rādha , pariññeyyā dhammā ?
Rūpaṃ kho , rādha , pariññeyyo dhammo , vedanā pariññeyyo dhammo , saññā pariññeyyo dhammo , saṅkhārā pariññeyyo dhammo , viññāṇaṃ pariññeyyo dhammo .
Ime vuccanti , rādha , pariññeyyā dhammā .
Katamā ca , rādha , pariññā ?
Yo kho , rādha , rāgakkhayo dosakkhayo mohakkhayo – ayaṃ vuccati , rādha , pariññā .
Katamo ca , rādha , pariññātāvī puggalo ?
‘ Arahā ’ tissa vacanīyaṃ .
Yvāyaṃ āyasmā evaṃnāmo evaṃgotto – ayaṃ vuccati , rādha , pariññātāvī puggalo ’’ ti .
Catutthaṃ .

5. Samaṇasuttaṃ

164. Sāvatthinidānaṃ .
Ekamantaṃ nisinnaṃ kho āyasmantaṃ rādhaṃ bhagavā etadavoca –
‘‘ pañcime , rādha , upādānakkhandhā .
Katame pañca ?
Rūpupādānakkhandho , vedanupādānakkhandho , saññupādānakkhandhoV2.177 , saṅkhārupādānakkhandho , viññāṇupādānakkhandho .
Ye hiT3.235 keci , rādha , samaṇā vā brāhmaṇā vā imesaṃ pañcannaṃP3.192 upādānakkhandhānaṃ assādañca ādīnavañca nissaraṇañca yathābhūtaṃ nappajānanti ;
na me te , rādha , samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā , na ca pana te āyasmanto sāmaññatthaṃ vā brahmaññatthaṃ vā diṭṭheva dhamme sayaṃ abhiññā sacchikatvā upasampajja viharanti .
Ye ca kho keci , rādha , samaṇā vā brāhmaṇā vā imesaṃ pañcannaṃ upādānakkhandhānaṃ assādañca ādīnavañca nissaraṇañca yathābhūtaṃ pajānanti ;
te kho me , rādha , samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatāM2.157 , te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī ’’ ti .
Pañcamaṃ .

6. Dutiyasamaṇasuttaṃ

165. Sāvatthinidānaṃ .
Ekamantaṃ nisinnaṃ kho āyasmantaṃ rādhaṃ bhagavā etadavoca –
‘‘ pañcime , rādha , upādānakkhandhā .
Katame pañca ?
Rūpupādānakkhandho … pe … viññāṇupādānakkhandho .
Ye hi keci , rādha , samaṇā vā brāhmaṇā vā imesaṃ pañcannaṃ upādānakkhandhānaṃ samudayañca atthaṅgamañca assādañca ādīnavañca nissaraṇañca yathābhūtaṃ nappajānanti … pe … sayaṃ abhiññā sacchikatvā upasampajja viharantī ’’ ti .
Chaṭṭhaṃ .

7. Sotāpannasuttaṃ

166. SāvatthinidānaṃT3.236 .
Ekamantaṃ nisinnaṃ kho āyasmantaṃ rādhaṃ bhagavā etadavoca –
‘‘ pañcime , rādha , upādānakkhandhā .
Katame pañca ?
Rūpupādānakkhandho … pe … viññāṇupādānakkhandho .
YatoP3.193 kho , rādha , ariyasāvako imesaṃ pañcannaṃ upādānakkhandhānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānāti – ayaṃ vuccati , rādha , ariyasāvako sotāpanno avinipātadhammo niyato sambodhiparāyano ’’ ti .
Sattamaṃ .

8. Arahantasuttaṃ

167. SāvatthinidānaṃV2.178 .
Ekamantaṃ nisinnaṃ kho āyasmantaṃ rādhaṃ bhagavā etadavoca –
‘‘ pañcime , rādha , upādānakkhandhā .
Katame pañca ?
Rūpupādānakkhandho … pe … viññāṇupādānakkhandho .
Yato kho , rādha , bhikkhu imesaṃ pañcannaṃ upādānakkhandhānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā anupādāvimutto hoti – ayaṃ vuccati , rādha , arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ’’ ti .
Aṭṭhamaṃ .

9. Chandarāgasuttaṃ

168. Sāvatthinidānaṃ .
Ekamantaṃ nisinnaṃ kho āyasmantaṃ rādhaṃ bhagavā etadavoca –
‘‘ rūpe kho , rādha , yo chando yo rāgo yā nandī yā taṇhā , taṃ pajahatha .
Evaṃ taṃ rūpaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhammaṃ .
Vedanāya yoM2.158 chando yo rāgo yā nandī yā taṇhā , taṃ pajahathaT3.237 .
Evaṃ sā vedanā pahīnā bhavissati ucchinnamūlā tālāvatthukatā anabhāvaṃkatā āyatiṃ anuppādadhammā .
Saññāya … saṅkhāresu yo chando yo rāgo yā nandī yā taṇhā , taṃ pajahatha .
Evaṃ te saṅkhārā pahīnā bhavissanti ucchinnamūlā tālāvatthukatā anabhāvaṃkatā āyatiṃ anuppādadhammā .
ViññāṇeP3.194 yo chando yo rāgo yā nandī yā taṇhā , taṃ pajahatha .
Evaṃ taṃ viññāṇaṃ pahīnaṃ bhavissati … pe … anuppādadhamman ’’ ti .
Navamaṃ .

10. Dutiyachandarāgasuttaṃ

169. Sāvatthinidānaṃ .
Ekamantaṃ nisinnaṃ kho āyasmantaṃ rādhaṃ bhagavā etadavoca –
‘‘ rūpe kho , rādha , yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā , te pajahatha .
Evaṃ taṃ rūpaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhammaṃ .
Vedanāya yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā , te pajahatha .
Evaṃ sā vedanā pahīnāV2.179 bhavissati ucchinnamūlā tālāvatthukatā anabhāvaṃkatā āyatiṃ anuppādadhammā .
Saññāya … saṅkhāresu yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā , te pajahatha .
Evaṃ te saṅkhārā pahīnā bhavissanti ucchinnamūlā tālāvatthukatā anabhāvaṃkatā āyatiṃ anuppādadhammā .
ViññāṇeT3.238 yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā , te pajahatha .
Evaṃ taṃ viññāṇaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhamman ’’ ti .
Dasamaṃ .
Rādhasaṃyuttassa paṭhamo vaggo .
Tassuddānaṃ –
Māro satto bhavanetti , pariññeyyā samaṇā duve ;
Sotāpanno arahā ca , chandarāgāpare duveti .

2. Dutiyavaggo

1. Mārasuttaṃ

170. SāvatthinidānaṃT3.239M2.159P3.195 .
Ekamantaṃ nisinno kho āyasmā rādho bhagavantaṃ etadavoca –
‘‘‘ māro , māro ’ ti , bhante , vuccati .
Katamo nu kho , bhante , māro ’’ ti ?
‘‘ Rūpaṃ kho , rādha , māro , vedanā māro , saññā māro , saṅkhārā māro , viññāṇaṃ māro .
Evaṃ passaṃ , rādha , sutavā ariyasāvako rūpasmimpi nibbindati , vedanāyapi nibbindati , saññāyapi nibbindati , saṅkhāresupi nibbindati , viññāṇasmimpi nibbindati .
Nibbindaṃ virajjati ;
virāgā vimuccati .
Vimuttasmiṃ vimuttamiti ñāṇaṃ hoti .
‘ Khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyā ’ ti pajānātī ’’ ti .
Paṭhamaṃ .

2. Māradhammasuttaṃ

171. SāvatthinidānaṃV2.180 .
Ekamantaṃ nisinno kho āyasmā rādho bhagavantaṃ etadavoca –
‘‘‘ māradhammo , māradhammo ’ ti , bhante , vuccati .
Katamo nu kho , bhante , māradhammo ’’ ti ?
‘‘ Rūpaṃ kho , rādha , māradhammo , vedanā māradhammo , saññā māradhammo , saṅkhārā māradhammo , viññāṇaṃ māradhammo .
Evaṃ passaṃ … pe … nāparaṃ itthattāyāti pajānātī ’’ ti .
Dutiyaṃ .

3. Aniccasuttaṃ

172. Sāvatthinidānaṃ .
Ekamantaṃ nisinno kho āyasmā rādho bhagavantaṃ etadavoca –
‘‘‘ aniccaṃ , aniccan ’ ti , bhante , vuccati .
Katamaṃ nuT3.240 kho , bhante , aniccan ’’ ti ?
‘‘ Rūpaṃ kho , rādha , aniccaṃ , vedanā aniccā , saññā aniccā , saṅkhārā aniccā , viññāṇaṃ aniccaṃ .
Evaṃ passaṃ … pe … nāparaṃ itthattāyāti pajānātī ’’ ti .
Tatiyaṃ .

4. Aniccadhammasuttaṃ

173. Sāvatthinidānaṃ .
Ekamantaṃ nisinno kho āyasmā rādho bhagavantaṃ etadavoca –
‘‘‘ aniccadhammo , aniccadhammo ’ ti , bhante , vuccati .
Katamo nu kho , bhante , aniccadhammo ’’ ti ?
‘‘ Rūpaṃ kho , rādha , aniccadhammo , vedanā aniccadhammoP3.196 , saññā aniccadhammo , saṅkhārā aniccadhammo , viññāṇaṃ aniccadhammo .
Evaṃ passaṃ … pe …V2.181 nāparaṃ itthattāyāti pajānātī ’’ ti .
Catutthaṃ .

5. Dukkhasuttaṃ

174. SāvatthinidānaṃM2.160 .
Ekamantaṃ nisinno kho āyasmā rādho bhagavantaṃ etadavoca –
‘‘‘ dukkhaṃ , dukkhan ’ ti , bhante , vuccati .
Katamaṃ nu kho , bhante , dukkhan ’’ ti ?
‘‘ Rūpaṃ kho , rādha , dukkhaṃ , vedanā dukkhā , saññā dukkhā , saṅkhārā dukkhā , viññāṇaṃ dukkhaṃ .
Evaṃ passaṃ … pe … nāparaṃ itthattāyāti pajānātī ’’ ti .
Pañcamaṃ .

6. Dukkhadhammasuttaṃ

175. Sāvatthinidānaṃ .
Ekamantaṃ nisinno kho āyasmā rādho bhagavantaṃ etadavoca –
‘‘‘ dukkhadhammo , dukkhadhammo ’ ti , bhante , vuccati .
Katamo nu kho , bhante , dukkhadhammo ’’ ti ?
‘‘ Rūpaṃ kho , rādha , dukkhadhammo , vedanā dukkhadhammo , saññā dukkhadhammo , saṅkhārā dukkhadhammo , viññāṇaṃ dukkhadhammo .
Evaṃ passaṃ … pe … nāparaṃ itthattāyāti pajānātī ’’ ti .
Chaṭṭhaṃ .

7. Anattasuttaṃ

176. Sāvatthinidānaṃ .
Ekamantaṃ nisinno kho āyasmā rādho bhagavantaṃT3.241 etadavoca –
‘‘‘ anattā , anattā ’ ti , bhante , vuccati .
Katamo nu kho , bhante , anattā ’’ ti ?
‘‘ Rūpaṃ kho , rādha , anattā , vedanā anattā , saññā anattā , saṅkhārā anattā , viññāṇaṃ anattā .
Evaṃ passaṃ … pe …V2.182 nāparaṃ itthattāyāti pajānātī ’’ ti .
Sattamaṃ .

8. Anattadhammasuttaṃ

177. Sāvatthinidānaṃ .
Ekamantaṃ nisinno kho āyasmā rādho bhagavantaṃ etadavoca –
‘‘‘ anattadhammo , anattadhammo ’ ti , bhante , vuccati .
Katamo nu kho , bhante , anattadhammo ’’ ti ?
‘‘ Rūpaṃ kho , rādha , anattadhammo , vedanā anattadhammoP3.197 , saññā anattadhammo , saṅkhārā anattadhammo , viññāṇaṃ anattadhammo .
Evaṃ passaṃ … pe … nāparaṃ itthattāyāti pajānātī ’’ ti .
Aṭṭhamaṃ .

9. Khayadhammasuttaṃ

178. Sāvatthinidānaṃ .
Ekamantaṃ nisinno kho āyasmā rādho bhagavantaṃ etadavoca –
‘‘‘ khayadhammo , khayadhammo ’ ti , bhante , vuccati .
Katamo nu kho , bhante , khayadhammo ’’ ti ?
‘‘ Rūpaṃ kho , rādha , khayadhammo , vedanā khayadhammo , saññāM2.161 khayadhammo , saṅkhārā khayadhammo , viññāṇaṃ khayadhammo .
Evaṃ passaṃ … pe … nāparaṃ itthattāyāti pajānātī ’’ ti .
Navamaṃ .

10. Vayadhammasuttaṃ

179. Sāvatthinidānaṃ .
Ekamantaṃ nisinno kho āyasmā rādho bhagavantaṃ etadavoca –
‘‘‘ vayadhammo , vayadhammo ’ ti , bhante , vuccati .
Katamo nu kho , bhante , vayadhammo ’’ ti ?
‘‘ Rūpaṃ kho , rādha , vayadhammo , vedanā vayadhammo , saññā vayadhammo , saṅkhārā vayadhammo , viññāṇaṃ vayadhammoV2.183 .
Evaṃ passaṃ … pe … nāparaṃ itthattāyāti pajānātī ’’ ti .
Dasamaṃ .

11. Samudayadhammasuttaṃ

180. SāvatthinidānaṃT3.242 .
Ekamantaṃ nisinno kho āyasmā rādho bhagavantaṃ etadavoca –
‘‘‘ samudayadhammo , samudayadhammo ’ ti , bhante , vuccati .
Katamo nu kho , bhante , samudayadhammo ’’ ti ?
‘‘ Rūpaṃ kho , rādha , samudayadhammo , vedanā samudayadhammo , saññā samudayadhammo , saṅkhārā samudayadhammo , viññāṇaṃ samudayadhammo .
Evaṃ passaṃ … pe … nāparaṃ itthattāyāti pajānātī ’’ ti .
Ekādasamaṃ .

12. Nirodhadhammasuttaṃ

181. Sāvatthinidānaṃ .
Ekamantaṃ nisinno kho āyasmā rādho bhagavantaṃ etadavoca –
‘‘‘ nirodhadhammo , nirodhadhammo ’ tiP3.198 , bhante , vuccati .
Katamo nu kho , bhante , nirodhadhammo ’’ ti ?
‘‘ Rūpaṃ kho , rādha , nirodhadhammo , vedanā nirodhadhammo , saññā nirodhadhammo , saṅkhārā nirodhadhammo , viññāṇaṃ nirodhadhammo .
Evaṃ passaṃ … pe … nāparaṃ itthattāyāti pajānātī ’’ ti .
Dvādasamaṃ .
Rādhasaṃyuttassa dutiyo vaggo .
Tassuddānaṃ –
MāroV2.184 ca māradhammo ca , aniccena apare duve ;
Dukkhena ca duve vuttā , anattena [ anattehi ( sī . syā . kaṃ .)] tatheva ca ;
Khayavayasamudayaṃ , nirodhadhammena dvādasāti .

3. Āyācanavaggo

1-11.
Mārādisuttaekādasakaṃ

182. SāvatthinidānaṃT3.243M2.162 .
Ekamantaṃ nisinno kho āyasmā rādho bhagavantaṃ etadavoca –
‘‘ sādhu me , bhante , bhagavā saṃkhittena dhammaṃ desetu , yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyyan ’’ ti .
‘‘ Yo kho , rādha , māro ;
tatra te chando pahātabbo , rāgo pahātabbo , chandarāgo pahātabbo [ sīhaḷapotthake pana ‘‘ tatra te chando pahātabboti ekaṃ suttaṃ , tatra te rāgo pahātabboti ekaṃ suttaṃ , tatra te chandarāgo pahātabboti ekaṃ suttan ’’ ti evaṃ visuṃ visuṃ tīṇi suttāni vibhajitvā dassitāni . evamuparisuttesupi ].
Ko ca , rādha , māro ?
Rūpaṃ kho , rādha , māro ;
tatra te chando pahātabbo , rāgo pahātabbo , chandarāgo pahātabbo [ sīhaḷapotthake pana ‘‘ tatra te chando pahātabboti ekaṃ suttaṃ , tatra te rāgo pahātabboti ekaṃ suttaṃ , tatra te chandarāgo pahātabboti ekaṃ suttan ’’ ti evaṃ visuṃ visuṃ tīṇi suttāni vibhajitvā dassitāni . evamuparisuttesupi ].
Vedanā māro ;
tatra te chando pahātabbo … pe … saññā māro ;
tatra te chando pahātabbo … pe … saṅkhārā māro ;
tatra te chando pahātabbo … pe … viññāṇaṃ māro ;
tatra te chando pahātabbo … pe … yo kho , rādha , māro ;
tatra te chando pahātabbo , rāgo pahātabbo , chandarāgo pahātabbo ’’ ti .
183. Yo kho , rādha , māradhammo ;
tatra te chando pahātabbo , rāgo pahātabbo , chandarāgo pahātabbo … pe ….
184. YaṃP3.199 kho , rādha , aniccaṃ … pe ….
185. YoV2.185 kho , rādha , aniccadhammo … pe ….
186. Yaṃ kho , rādha , dukkhaṃ … pe ….
187. Yo kho , rādha , dukkhadhammo … pe ….
188. YoT3.244 kho , rādha , anattā … pe ….
189. YoM2.163 kho , rādha , anattadhammo … pe ….
190. Yo kho , rādha , khayadhammo … pe ….
191. Yo kho , rādha , vayadhammo … pe ….
192. Yo kho , rādha , samudayadhammo ;
tatra te chando pahātabbo , rāgo pahātabbo , chandarāgo pahātabbo … pe ….

12. Nirodhadhammasuttaṃ

193. Sāvatthinidānaṃ .
Ekamantaṃ nisinno kho āyasmā rādho bhagavantaṃ etadavoca –
‘‘ sādhu me , bhante , bhagavā saṃkhittena dhammaṃ desetu , yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyyan ’’ ti .
‘‘ YoV2.186 kho , rādha , nirodhadhammo ;
tatra te chando pahātabbo , rāgo pahātabbo , chandarāgo pahātabbo .
Ko ca , rādha , nirodhadhammo ?
Rūpaṃ kho , rādha , nirodhadhammo ;
tatra te chando pahātabbo … pe … vedanā nirodhadhammo ;
tatra te chando pahātabbo … pe … saññā nirodhadhammo ;
tatra te chando pahātabbo … pe … saṅkhārā nirodhadhammo ;
tatra te chando pahātabbo … pe … viññāṇaṃ nirodhadhammo ;
tatra te chando pahātabbo … pe … yo kho , rādha , nirodhadhammo ;
tatra te chando pahātabbo , rāgo pahātabbo , chandarāgo pahātabbo ’’ ti [ sīhaḷapotthake pana imasmiṃ vagge chattiṃsa suttāni vibhattāni ekekaṃ suttaṃ tīṇi tīṇi katvā , evaṃ catutthavaggepi ].
Āyācanavaggo tatiyo .
Tassuddānaṃ –
MāroT3.245P3.200 ca māradhammo ca , aniccena apare duve ;
Dukkhena ca duve vuttā , anattena tatheva ca ;
Khayavayasamudayaṃ , nirodhadhammena dvādasāti .

4. Upanisinnavaggo

1-11.
Mārādisuttaekādasakaṃ

194. SāvatthinidānaṃT3.246M2.164 .
Ekamantaṃ nisinnaṃ kho āyasmantaṃ rādhaṃ bhagavā etadavoca –
‘‘ yo kho , rādha , māro ;
tatra te chando pahātabbo , rāgo pahātabbo , chandarāgo pahātabbo .
Ko ca , rādha , māro ?
Rūpaṃ kho , rādha , māro ;
tatra te chando pahātabbo … pe … viññāṇaṃ māro ;
tatra te chando pahātabbo … pe … yo kho , rādha , māro ;
tatra te chando pahātabbo , rāgo pahātabbo , chandarāgo pahātabbo ’’ ti .
195. Yo kho , rādha , māradhammo ;
tatra te chando pahātabbo , rāgo pahātabbo , chandarāgoV2.187 pahātabbo … pe ….
196. Yaṃ kho , rādha , aniccaṃ … pe ….
197. Yo kho , rādha , aniccadhammo … pe ….
198. YaṃP3.201 kho , rādha , dukkhaṃ … pe ….
199. Yo kho , rādha , dukkhadhammo … pe ….
200. Yo kho , rādha , anattā … pe ….
201. Yo kho , rādha , anattadhammo … pe ….
202. Yo kho , rādha , khayadhammo … pe ….
203. Yo kho , rādha , vayadhammo … pe ….
204. YoT3.247 kho , rādha , samudayadhammo ;
tatra te chando pahātabbo , rāgo pahātabbo , chandarāgoV2.188 pahātabbo … pe ….

12. Nirodhadhammasuttaṃ

205. Sāvatthinidānaṃ .
Ekamantaṃ nisinnaṃ kho āyasmantaṃ rādhaṃ bhagavā etadavoca –
‘‘ yo kho , rādha , nirodhadhammo ;
tatra te chando pahātabbo , rāgo pahātabbo , chandarāgo pahātabbo .
Ko ca , rādha , nirodhadhammo ?
RūpaṃM2.165 kho , rādha , nirodhadhammo ;
tatra te chando pahātabbo , rāgo pahātabbo , chandarāgo pahātabbo .
Vedanā … pe … saññā … pe … saṅkhārā … pe … viññāṇaṃ nirodhadhammo ;
tatra te chando pahātabbo , rāgo pahātabbo , chandarāgo pahātabbo .
Yo kho , rādha , nirodhadhammo ;
tatra te chando pahātabbo , rāgo pahātabbo , chandarāgo pahātabbo ’’ ti .
Upanisinnavaggo catuttho .
Tassuddānaṃ –
Māro ca māradhammo ca , aniccena apare duve ;
Dukkhena ca duve vuttā , anattena tatheva ca ;
Khayavayasamudayaṃ , nirodhadhammena dvādasāti .
Rādhasaṃyuttaṃ samattaṃ .