7-16.Aṇḍajadānūpakārasuttadasakaṃ
398-407.
Sāvatthinidānaṃ
T3.307 .Ekamantaṃ nisinno kho so bhikkhu bhagavantaṃ etadavoca –
‘‘ ko nu kho , bhante , hetu , ko paccayo , yena midhekacco kāyassa bhedā paraṃ maraṇā aṇḍajānaṃ supaṇṇānaṃ sahabyataṃ upapajjatī ’’ ti ?
‘‘ Idha , bhikkhu , ekacco kāyena dvayakārī hoti , vācāya dvayakārī , manasā dvayakārī .
Tassa sutaṃ hoti –
‘ aṇḍajā supaṇṇā dīghāyukā vaṇṇavanto sukhabahulā ’ ti .
Tassa evaṃ hoti –
‘ aho vatāhaṃ kāyassa bhedā
V2.246 paraṃ maraṇā aṇḍajānaṃ supaṇṇānaṃ sahabyataṃ upapajjeyyan ’ ti .So annaṃ deti … pe … pānaṃ deti … vatthaṃ deti … yānaṃ deti … mālaṃ deti … gandhaṃ deti … vilepanaṃ deti … seyyaṃ deti … āvasathaṃ deti … padīpeyyaṃ deti .
So kāyassa bhedā paraṃ maraṇā aṇḍajānaṃ supaṇṇānaṃ sahabyataṃ upapajjati .
Ayaṃ kho , bhikkhu , hetu , ayaṃ paccayo , yena midhekacco kāyassa bhedā paraṃ maraṇā aṇḍajānaṃ supaṇṇānaṃ sahabyataṃ upapajjatī ’’ ti .
Soḷasamaṃ .