21-50.Jalābujādidānūpakārasuttattiṃsakaṃ
362-391.
Sāvatthinidānaṃ .
Ekamantaṃ nisinno kho so bhikkhu bhagavantaṃ etadavoca –
‘‘ ko nu kho , bhante , hetu , ko paccayo , yena midhekacco kāyassa bhedā paraṃ maraṇā jalābujānaṃ nāgānaṃ … pe … saṃsedajānaṃ nāgānaṃ … pe … opapātikānaṃ nāgānaṃ sahabyataṃ upapajjatī ’’ ti ?
‘‘ Idha , bhikkhu , ekacco kāyena dvayakārī hoti , vācāya dvayakārī , manasā dvayakārī .
Tassa sutaṃ hoti –
‘ opapātikā nāgā dīghāyukā vaṇṇavanto sukhabahulā ’ ti .
Tassa evaṃ hoti –
‘ aho vatāhaṃ kāyassa bhedā paraṃ maraṇā opapātikānaṃ nāgānaṃ sahabyataṃ upapajjeyyan ’ ti .
So annaṃ deti … pe … pānaṃ deti … pe … padīpeyyaṃ deti .
So kāyassa bhedā
V2.243 paraṃ maraṇā opapātikānaṃ nāgānaṃ sahabyataṃ upapajjati .Ayaṃ kho , bhikkhu , hetu , ayaṃ paccayo , yena midhekacco
P3.246 kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī ’’ ti .( Iminā peyyālena dasa dasa suttantā kātabbā . Evaṃ catūsu yonīsu cattālīsaṃ veyyākaraṇā honti . Purimehi pana dasahi suttantehi saha honti paṇṇāsasuttantāti .)
Nāgasaṃyuttaṃ samattaṃ .
Tassuddānaṃ –
Suddhikaṃ
T3.304 paṇītataraṃ , caturo ca uposathā ;Tassa sutaṃ caturo ca , dānūpakārā ca tālīsaṃ ;
Paṇṇāsa piṇḍato suttā , nāgamhi suppakāsitāti .