4. Catutthagamanavaggo

Author： _System_Pali_VRI_ @ Administrator

4. Catutthagamanavaggo

1. Navātasuttaṃ

276. SāvatthinidānaṃT3.274V2.214 .

‘‘ Kismiṃ nu kho , bhikkhave , sati kiṃ upādāya , kiṃ abhinivissa evaṃ diṭṭhi uppajjati –

‘ na vātā vāyanti , na najjo sandantiP3.223 , na gabbhiniyo vijāyanti , na candimasūriyā udenti vā apenti vā esikaṭṭhāyiṭṭhitā ’’’ ti ?

Bhagavaṃmūlakā no , bhante , dhammā … pe ….

‘‘ Rūpe kho , bhikkhave , sati , rūpaṃ upādāya , rūpaṃ abhinivissa evaṃ diṭṭhi uppajjati –

‘ na vātā vāyanti … pe … esikaṭṭhāyiṭṭhitā ’ ti .

Vedanāya sati … pe … saññāya sati … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa evaṃ diṭṭhi uppajjati –

‘ na vātā vāyanti … pe … esikaṭṭhāyiṭṭhitā ’’’ ti .

‘‘ Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ VedanāM2.184 … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ TasmātihaT3.275 , bhikkhave , yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā , oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā , sabbaṃ rūpaṃ –

‘ netaṃ mamaV2.215 , nesohamasmi , na meso attā ’ ti evametaṃ yathābhūtaṃ sammappaññāya daṭṭhabbaṃ .

Yā kāci vedanā … yā kāci saññā … ye keci saṅkhārā … yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā , sabbaṃ viññāṇaṃ –

‘ netaṃ mama , nesohamasmi , na meso attā ’ ti evametaṃ yathābhūtaṃ sammappaññāya daṭṭhabbaṃ .

‘‘ Evaṃ passaṃ … pe … nāparaṃ itthattāyāti pajānātī ’’ ti .

Paṭhamaṃ .

277-300.( Dutiyavagge viya catuvīsati suttāni pūretabbāni .) Pañcavīsatimaṃ .

26. Adukkhamasukhīsuttaṃ

301. Sāvatthinidānaṃ .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa evaṃ diṭṭhi uppajjati –

‘ adukkhamasukhī attā hoti , arogo paraṃ maraṇā ’’’ ti ?

Bhagavaṃmūlakā no , bhante , dhammā … pe ….

‘‘ Rūpe kho , bhikkhave , sati , rūpaṃ upādāya , rūpaṃ abhinivissa evaṃ diṭṭhi uppajjati –

‘ adukkhamasukhī attā hoti , arogo paraṃ maraṇā ’ ti .

Vedanāya sati … saññāya sati … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa evaṃ diṭṭhi uppajjati –

‘ adukkhamasukhī attā hoti , arogo paraṃ maraṇā ’’’ ti .

‘‘ TaṃP3.224 kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’V2.216 .

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhanteT3.276 ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃM2.185 vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ Tasmātiha , bhikkhave , yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā , sabbaṃ rūpaṃ –

‘ netaṃ mama , nesohamasmi , na meso attā ’ ti evametaṃ yathābhūtaṃ sammappaññāya daṭṭhabbaṃ .

Yā kāci vedanā … yā kāci saññā … ye keci saṅkhārā … yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā , oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā , sabbaṃ viññāṇaṃ –

‘ netaṃ mama , nesohamasmi , na meso attā ’’’ ti evametaṃ yathābhūtaṃ sammappaññāya daṭṭhabbaṃ .

‘‘ Evaṃ passaṃ , bhikkhave , sutavā ariyasāvako rūpasmimpi nibbindati , vedanāyapi nibbindati , saññāyapi nibbindati , saṅkhāresupi nibbindati , viññāṇasmimpi nibbindati .

Nibbindaṃ virajjati ;

virāgā vimuccati .

Vimuttasmiṃ vimuttamiti ñāṇaṃ hoti .

‘ Khīṇā jāti , vusitaṃ brahmacariyaṃ , kataṃ karaṇīyaṃT3.277 , nāparaṃ itthattāyā ’ ti pajānātī ’’ ti .

Chabbīsatimaṃ .

Tassuddānaṃ –

Purimagamane aṭṭhārasa veyyākaraṇā ;

Dutiyagamane chabbīsaṃ vitthāretabbāni .

TatiyagamaneV2.217 chabbīsaṃ vitthāretabbāni ;

Catutthagamane chabbīsaṃ vitthāretabbāni .

Diṭṭhisaṃyuttaṃ samattaṃ .

Issues

Select Version

Khandhavaggo

Khandhavaggo