9. Nirodhasamāpattisuttaṃ
340. Sāvatthinidānaṃ .
Atha kho āyasmā sāriputto … pe …
T3.295 .‘‘ Idhāhaṃ , āvuso , sabbaso nevasaññānāsaññāyatanaṃ samatikkamma saññāvedayitanirodhaṃ
M2.200 upasampajja viharāmi .Tassa mayhaṃ , āvuso , na evaṃ hoti –
‘ ahaṃ saññāvedayitanirodhaṃ samāpajjāmī ’ ti vā ‘ ahaṃ saññāvedayitanirodhaṃ samāpanno ’ ti vā ‘ ahaṃ saññāvedayitanirodhā vuṭṭhito ’ ti vā ’’ ti .
‘‘ Tathā hi panāyasmato sāriputtassa dīgharattaṃ ahaṅkāramamaṅkāramānānusayā susamūhatā .
Tasmā āyasmato sāriputtassa na evaṃ hoti –
‘ ahaṃ saññāvedayitanirodhaṃ samāpajjāmī ’ ti vā ‘ ahaṃ saññāvedayitanirodhaṃ samāpanno ’ ti vā ‘ ahaṃ saññāvedayitanirodhā vuṭṭhito ’ ti vā ’’ ti .
Navamaṃ .