2. Dutiyagamanavaggo

Author： _System_Pali_VRI_ @ Administrator

2. Dutiyagamanavaggo

1. Vātasuttaṃ

224. SāvatthinidānaṃT3.266 .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa evaṃ diṭṭhi uppajjati –

‘ na vātā vāyanti , na najjo sandanti , na gabbhiniyo vijāyanti , na candimasūriyā udenti vā apenti vā , esikaṭṭhāyiṭṭhitā ’’’ ti ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa evaṃ diṭṭhi uppajjati –

‘ na vātā vāyanti … pe … esikaṭṭhāyiṭṭhitā ’ ti .

Vedanāya sati … pe … saññāya sati … pe … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa evaṃ diṭṭhi uppajjati –

‘ na vātā vāyanti … pe … esikaṭṭhāyiṭṭhitā ’’’ ti .

‘‘ TaṃV2.207 kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ AniccaṃP3.218 , bhante ’’… pe … vipariṇāmadhammaṃ , api nu taṃ anupādāya evaṃ diṭṭhi uppajjeyya – na vātā vāyanti … pe … esikaṭṭhāyiṭṭhitā ’’ ti ?

‘‘ No hetaṃ , bhante ’’.

‘‘ Iti kho , bhikkhave , dukkhe sati , dukkhaṃ upādāya , dukkhaṃ abhinivissa evaṃ diṭṭhi uppajjati –

‘ na vātā vāyanti … pe … esikaṭṭhāyiṭṭhitā ’’’ ti .

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’… pe … vipariṇāmadhammaṃ , api nu taṃ anupādāya evaṃ diṭṭhi uppajjeyya ‘ na vātā vāyanti … pe … esikaṭṭhāyiṭṭhitā ’’’ ti ?

‘‘ NoT3.267 hetaṃ , bhante ’’.

‘‘ Iti kho , bhikkhave , dukkhe sati , dukkhaṃ upādāya , dukkhaṃ abhinivissa evaṃ diṭṭhi uppajjeyya –

‘ na vātā vāyanti , na najjo sandanti , na gabbhiniyo vijāyanti , na candimasūriyā udenti vā apenti vā , esikaṭṭhāyiṭṭhitā ’’’ ti .

Paṭhamaṃ .

225-240.( Purimavagge viya aṭṭhārasa veyyākaraṇāni vitthāretabbānītiM2.179 .) Sattarasamaṃ .

18. Nevahotinanahotisuttaṃ

241. Sāvatthinidānaṃ .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa evaṃ diṭṭhi uppajjati –

‘ neva hoti na na hoti tathāgato paraṃ maraṇā ’’’ ti ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa evaṃ diṭṭhi uppajjati –

‘ neva hoti , na na hoti tathāgato paraṃ maraṇā ’ ti .

Vedanāya sati … saññāya sati … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa evaṃ diṭṭhi uppajjati –

‘ neva hoti , na na hoti tathāgato paraṃ maraṇā ’’’ ti .

‘‘ TaṃV2.208 kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’… pe … vipariṇāmadhammaṃ , api nu taṃ anupādāya evaṃ diṭṭhi uppajjeyya –

‘ neva hoti , na na hoti tathāgato paraṃ maraṇā ’’’ ti ?

‘‘ No hetaṃ , bhante ’’.

‘‘ Iti kho , bhikkhave , dukkhe sati , dukkhaṃ upādāya , dukkhaṃ abhinivissa evaṃ diṭṭhi uppajjati –

‘ neva hoti , na na hoti tathāgato paraṃ maraṇā ’’’ ti .

‘‘ Vedanā … saññāT3.268 … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’… pe … vipariṇāmadhammaṃ , api nu taṃ anupādāya evaṃ diṭṭhi uppajjeyya –

‘ neva hoti , na na hoti tathāgato paraṃ maraṇā ’’’ ti ?

‘‘ No hetaṃ , bhante ’’.

‘‘ Iti kho , bhikkhave , dukkhe sati , dukkhaṃ upādāya dukkhaṃ abhinivissa evaṃ diṭṭhi uppajjati –

‘ neva hoti , na na hoti tathāgato paraṃ maraṇā ’’’ ti .

Aṭṭhārasamaṃ .

19. Rūpīattāsuttaṃ

242. Sāvatthinidānaṃ .

‘‘ Kismiṃ nu kho , bhikkhave , sati , kiṃ upādāyaP3.219 , kiṃ abhinivissa evaṃ diṭṭhi uppajjati –

‘ rūpī attā hoti , arogo paraṃ maraṇā ’’’ ti ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa evaṃ diṭṭhi uppajjati –

‘ rūpī attā hoti , arogo paraṃ maraṇā ’ ti .

Vedanāya sati … pe … saññāya sati … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa evaṃ diṭṭhi uppajjati –

‘ rūpī attā hoti , arogo paraṃ maraṇā ’’’ ti .

‘‘ TaṃM2.180 kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’… pe … vipariṇāmadhammaṃ , api nu taṃ anupādāya evaṃ diṭṭhi uppajjeyya –

‘ rūpī attā hoti , arogo paraṃ maraṇā ’’’ ti ?

‘‘ No hetaṃ , bhante ’’.

‘‘ Iti kho , bhikkhave , dukkhe sati , dukkhaṃ upādāya , dukkhaṃ abhinivissa evaṃ diṭṭhi uppajjati –

‘ rūpīV2.209 attā hoti , arogo paraṃ maraṇā ’’’ ti ?

‘‘ Vedanā … pe …T3.269 ‘‘ no hetaṃ , bhante ’’.

‘‘ Iti kho , bhikkhave , dukkhe sati , dukkhaṃ upādāya , dukkhaṃ abhinivissa evaṃ diṭṭhi uppajjati –

‘ rūpī attā hoti , arogo paraṃ maraṇā ’’’ ti .

Ekūnavīsatimaṃ .

20. Arūpīattāsuttaṃ

243. Sāvatthinidānaṃ .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa evaṃ diṭṭhi uppajjati –

‘ arūpī attā hoti arogo paraṃ maraṇā ’’’ ti ?( Peyyālo ) vīsatimaṃ .

21. Rūpīcaarūpīcaattāsuttaṃ

244. Sāvatthinidānaṃ .

‘‘ Rūpī ca arūpī ca attā hoti arogo paraṃ maraṇā ’’ ti … pe ….

Ekavīsatimaṃ .

22. Nevarūpīnārūpīattāsuttaṃ

245.‘‘ Neva rūpī nārūpī attā hoti arogo paraṃ maraṇā ’’ ti … pe ….

Bāvīsatimaṃ .

23. Ekantasukhīsuttaṃ

246.‘‘ Ekantasukhī attā hoti arogo paraṃ maraṇā ’’ ti … pe ….

Tevīsatimaṃ .

24. Ekantadukkhīsuttaṃ

247.‘‘ EkantadukkhīV2.210P3.220 attā hoti arogo paraṃ maraṇā ’’ ti … pe ….

Catuvīsatimaṃ .

25. Sukhadukkhīsuttaṃ

248.‘‘ Sukhadukkhī attā hoti arogo paraṃ maraṇā ’’ ti … pe ….

Pañcavīsatimaṃ .

26. Adukkhamasukhīsuttaṃ

249.‘‘ AdukkhamasukhīM2.181 attā hoti arogo paraṃ maraṇā ’’ ti ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa evaṃ diṭṭhi uppajjati –

‘ adukkhamasukhī attā hoti arogo paraṃ maraṇā ’ ti .

Vedanāya sati … saññāya sati … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa evaṃ diṭṭhi uppajjati –

‘ adukkhamasukhī attāT3.270 hoti arogo paraṃ maraṇā ’’’ ti .

‘‘ Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’… pe … vipariṇāmadhammaṃ , api nu taṃ anupādāya evaṃ diṭṭhi uppajjeyya –

‘ adukkhamasukhī attā hoti arogo paraṃ maraṇā ’’’ ti ?

‘‘ No hetaṃ , bhante ’’.

‘‘ Iti kho , bhikkhave , dukkhe sati , dukkhaṃ upādāya , dukkhaṃ abhinivissa evaṃ diṭṭhi uppajjati –

‘ adukkhamasukhī attā hoti arogo paraṃ maraṇā ’’’ ti .

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’… pe … vipariṇāmadhammaṃ , api nu taṃ anupādāya evaṃ diṭṭhi uppajjeyya –

‘ adukkhamasukhī attā hoti arogo paraṃ maraṇā ’’’ ti ?

‘‘ No hetaṃ , bhante ’’.

‘‘ Iti kho , bhikkhaveV2.211 , dukkhe sati , dukkhaṃ upādāya , dukkhaṃ abhinivissa evaṃ diṭṭhi uppajjati –

‘ adukkhamasukhī attā hoti arogo paraṃ maraṇā ’’’ ti .

Chabbīsatimaṃ .

Dutiyapeyyālo .

Tassuddānaṃ –

Vātaṃ etaṃ mama so , attā no ca me siyā ;

Natthi karoto hetu ca , mahādiṭṭhena aṭṭhamaṃ .

Sassato asassatoP3.221 ceva , antānantavā ca vuccati ;

Taṃ jīvaṃ aññaṃ jīvañca , tathāgatena cattāro .

Rūpī attā hoti , arūpī ca attā hoti ;

Rūpī ca arūpī ca attā hoti ;

Neva rūpī nārūpī attā hoti , ekantasukhī attā hoti .

Ekantadukkhī attā hoti , sukhadukkhī attā hoti ;

Adukkhamasukhī attā hoti , arogo paraṃ maraṇāti ;

Ime chabbīsati suttā , dutiyavārena desitā .

Issues

Select Version

Khandhavaggo

Khandhavaggo