15. Diṭṭhivaggo

Author： _System_Pali_VRI_ @ Administrator

15. Diṭṭhivaggo

1. Ajjhattasuttaṃ

150. SāvatthinidānaṃT3.221 .

‘‘ Kismiṃ nu kho , bhikkhave , sati , kiṃ upādāya uppajjati ajjhattaṃ sukhadukkhan ’’ ti ?

BhagavaṃmūlakāP3.181 no , bhante , dhammā … pe …‘‘ rūpe kho , bhikkhave , sati rūpaṃ upādāya uppajjati ajjhattaṃ sukhadukkhaṃ .

Vedanāya sati … pe … saññāyaM2.149 sati … saṅkhāresu sati … viññāṇe sati viññāṇaṃ upādāya uppajjati ajjhattaṃ sukhadukkhaṃ .

Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , api nu taṃ anupādāya uppajjeyya ajjhattaṃ sukhadukkhan ’’ ti ?

‘‘ No hetaṃ , bhante ’’.

‘‘ Vedanā … pe … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , api nu taṃ anupādāya uppajjeyyaV2.166 ajjhattaṃ sukhadukkhan ’’ ti ?

‘‘ No hetaṃ , bhante ’’.

‘‘ Evaṃ passaṃ … pe … nāparaṃ itthattāyāti pajānātī ’’ ti .

Paṭhamaṃ .

2. Etaṃmamasuttaṃ

151. Sāvatthinidānaṃ .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa –

‘ etaṃ mama , esohamasmi , eso me attā ’ ti samanupassatī ’’ tiT3.222 ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissaP3.182 … pe … viññāṇe sati , viññāṇaṃ upādāya , viññāṇaṃ abhinivissa –

‘ etaṃ mama , esohamasmi , eso me attā ’ ti samanupassati .

Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’… pe … vipariṇāmadhammaṃ , api nu taṃ anupādāya etaṃ mama , esohamasmi , eso me attāti samanupasseyyāti ?

‘‘ No hetaṃ , bhante ’’.

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ bhante ’’… pe … vipariṇāmadhammaṃ , api nu taṃ anupādāya etaṃ mama , esohamasmi , eso me attāti samanupasseyyāti ?

‘‘ No hetaṃ , bhante ’’.

‘‘ Evaṃ passaṃ .

pe … nāparaṃ itthattāyāti pajānātī ’’ ti .

Dutiyaṃ .

3. Soattāsuttaṃ

152. SāvatthinidānaṃV2.167 .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa evaṃ diṭṭhi uppajjati –

‘ so attā , so loko , so pecca bhavissāmi nicco dhuvo sassato avipariṇāmadhammo ’’’ ti ?

Bhagavaṃmūlakā no , bhante , dhammā … pe ….

‘‘ Rūpe kho , bhikkhave , sati , rūpaṃ upādāya , rūpaṃ abhinivissa evaṃ diṭṭhi uppajjati –

‘ so attā , so loko , so pecca bhavissāmi nicco dhuvo sassato avipariṇāmadhammo ’ ti .

Vedanāya … pe … saññāya … saṅkhāresuM2.150 … pe …T3.223 viññāṇe sati , viññāṇaṃ upādāya , viññāṇaṃ abhinivissa evaṃ diṭṭhi uppajjatiP3.183 –

‘ so attā , so loko , so pecca bhavissāmi nicco dhuvo sassato avipariṇāmadhammo ’’’ ti .

‘‘ Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , api nu taṃ anupādāya evaṃ diṭṭhi uppajjeyya –

‘ so attā , so loko , so pecca bhavissāmi nicco dhuvo sassato avipariṇāmadhammo ’’’ ti ?

‘‘ No hetaṃ , bhante ’’.

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , api nu taṃ anupādāya evaṃ diṭṭhi uppajjeyya –

‘ so attā so loko , so pecca bhavissāmi nicco dhuvo sassato avipariṇāmadhammo ’’’ ti ?

‘‘ No hetaṃ , bhante ’’.

Evaṃ passaṃ … pe … nāparaṃ itthattāyāti pajānātīti .

Tatiyaṃ .

4. Nocamesiyāsuttaṃ

153. SāvatthinidānaṃV2.168 .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa evaṃ diṭṭhi uppajjati –

‘ no cassaṃ , no ca me siyā , nābhavissa , na me bhavissatī ’’’ ti ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa evaṃ diṭṭhiT3.224 uppajjati –

‘ no cassaṃ , no ca me siyā , nābhavissa , na me bhavissatī ’ ti .

Vedanāya sati … saññāya sati … saṅkhāresu sati … viññāṇeP3.184 sati , viññāṇaṃ upādāya , viññāṇaṃ abhinivissa , evaṃ diṭṭhi uppajjati –

‘ no cassaṃ , no ca me siyā , nābhavissa , na me bhavissatī ’ ti .

Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , api nu taṃ anupādāya evaṃ diṭṭhi uppajjeyya –

‘ no cassaṃ , no ca me siyā , nābhavissa , na me bhavissatī ’’’ ti ?

‘‘ No hetaṃ , bhante ’’.

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , api nu taṃ anupādāya evaṃ diṭṭhi uppajjeyya –

‘ no cassaṃ , no ca me siyā , nābhavissa , na me bhavissatī ’’’ ti ?

‘‘ No hetaṃ , bhante ’’.

‘‘ Evaṃ passaṃ … pe … nāparaṃ itthattāyāti pajānātī ’’ ti .

Catutthaṃ .

5. Micchādiṭṭhisuttaṃ

154. SāvatthinidānaṃV2.169M2.151 .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa micchādiṭṭhi uppajjatī ’’ ti ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa micchādiṭṭhi uppajjati .

Vedanāya sati … micchādiṭṭhi uppajjati .

Saññāya sati … saṅkhāresuT3.225 sati … viññāṇe sati , viññāṇaṃ upādāya , viññāṇaṃ abhinivissa micchādiṭṭhi uppajjati .

Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ AniccaṃP3.185 , bhante ’’.

‘‘ Yaṃ panāniccaṃ … pe … api nu taṃ anupādāya micchādiṭṭhi uppajjeyyā ’’ ti ?

‘‘ No hetaṃ , bhante ’’.

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , api nu taṃ anupādāya micchādiṭṭhi uppajjeyyā ’’ ti ?

‘‘ No hetaṃ , bhante ’’.

‘‘ Evaṃ passaṃ … pe … nāparaṃ itthattāyāti pajānātī ’’ ti .

‘ Pañcamaṃ .

6. Sakkāyadiṭṭhisuttaṃ

155. Sāvatthinidānaṃ .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa sakkāyadiṭṭhi uppajjatī ’’ ti ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa sakkāyadiṭṭhi uppajjati .

Vedanāya sati … saññāya sati … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa sakkāyadiṭṭhi uppajjati .

Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’V2.170 .

‘‘ Yaṃ panāniccaṃ … pe … api nu taṃ anupādāya sakkāyadiṭṭhi uppajjeyyā ’’ ti ?

‘‘ No hetaṃ , bhante ’’.

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ AniccaṃT3.226 , bhante ’’.

‘‘ Yaṃ panāniccaṃ … pe … api nu taṃ anupādāya sakkāyadiṭṭhi uppajjeyyā ’’ ti ?

‘‘ No hetaṃ , bhante ’’.

‘‘ Evaṃ passaṃ … pe … nāparaṃ itthattāyāti pajānātī ’’ ti .

Chaṭṭhaṃ .

7. Attānudiṭṭhisuttaṃ

156. Sāvatthinidānaṃ .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa attānudiṭṭhi uppajjatī ’’ ti ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa attānudiṭṭhi uppajjati .

VedanāyaP3.186 sati … saññāya sati … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa attānudiṭṭhi uppajjatiM2.152 .

Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ … pe … api nu taṃ anupādāya attānudiṭṭhi uppajjeyyā ’’ ti ?

‘‘ No hetaṃ , bhante ’’.

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ … pe … api nu taṃ anupādāya attānudiṭṭhi uppajjeyyā ’’ ti ?

‘‘ No hetaṃ , bhante ’’.

‘‘ Evaṃ passaṃ … pe …V2.171 nāparaṃ itthattāyāti pajānātī ’’ ti .

Sattamaṃ .

8. Abhinivesasuttaṃ

157. Sāvatthinidānaṃ .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa uppajjanti saṃyojanābhinivesavinibandhā ’’ ti ?

Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa uppajjanti saṃyojanābhinivesavinibandhā .

VedanāyaT3.227 sati … saññāya sati … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa uppajjanti saṃyojanābhinivesavinibandhā .

Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ … pe … api nu taṃ anupādāya uppajjeyyuṃ saṃyojanābhinivesavinibandhā ’’ ti ?

‘‘ No hetaṃ , bhante ’’… pe …‘‘ evaṃ passaṃ … pe … nāparaṃ itthattāyāti pajānātī ’’ ti .

Aṭṭhamaṃ .

9. Dutiyaabhinivesasuttaṃ

158. SāvatthinidānaṃP3.187 .

‘‘ Kismiṃ nu kho , bhikkhave , sati , kiṃ upādāya , kiṃ abhinivissa uppajjanti saṃyojanābhinivesavinibandhājjhosānā ’’ ti ?[ vinibandhā ajjhosānāti ( sī . ka .)] Bhagavaṃmūlakā no , bhante , dhammā … pe …‘‘ rūpe kho , bhikkhave , sati , rūpaṃ upādāya , rūpaṃ abhinivissa uppajjanti saṃyojanābhinivesavinibandhājjhosānā .

Vedanāya satiV2.172 … saññāya sati … saṅkhāresu sati … viññāṇe sati , viññāṇaṃ upādāya , viññāṇaṃ abhinivissa uppajjanti saṃyojanābhinivesavinibandhājjhosānā .

Taṃ kiṃ maññatha , bhikkhave , rūpaṃ niccaṃ vā aniccaṃ vā ’’ tiT3.228 ?

‘‘ Aniccaṃ , bhante ’’.

‘‘ Yaṃ panāniccaṃ … pe … api nu taṃ anupādāya uppajjeyyuṃ saṃyojanābhinivesavinibandhājjhosānā ’’ ti ?

‘‘ No hetaṃ , bhante ’’… pe …‘‘ evaṃ passaṃ … pe … nāparaṃ itthattāyāti pajānātī ’’ ti .

Navamaṃ .

10. Ānandasuttaṃ

159. SāvatthinidānaṃM2.153 .

Atha kho āyasmā ānando yena bhagavā tenupasaṅkami ;

upasaṅkamitvā … pe … bhagavantaṃ etadavoca –

‘‘ sādhu me , bhante , bhagavā saṃkhittena dhammaṃ desetu , yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyyan ’’ ti .

‘‘ Taṃ kiṃ maññasi , ānanda , rūpaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ Vedanā … saññā … saṅkhārā … viññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ , dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃV2.173 –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’[ no hetaṃ bhante . tasmātihānanda yaṃ kiñci rūpaṃ atītānāgatapaccuppannaṃ … pe … daṭṭhabbaṃ .( sī . syā . kaṃ . pī .)].

‘‘ Evaṃ passaṃ … pe …T3.229P3.188 nāparaṃ itthattāyāti pajānātī ’’ ti .

Dasamaṃ .

Diṭṭhivaggo pañcadasamo .

Tassuddānaṃ –

Ajjhattikaṃ etaṃmama , soattā nocamesiyā ;

Micchāsakkāyattānu dve , abhinivesā ānandenāti .

Uparipaṇṇāsako samatto .

Tassa uparipaṇṇāsakassa vagguddānaṃ –

AntoT3.230 dhammakathikā vijjā , kukkuḷaṃ diṭṭhipañcamaṃ ;

Tatiyo paṇṇāsako vutto , nipātoti pavuccatīti [ nipāto tena vuccatīti ( sī . syā . kaṃ .)].

Khandhasaṃyuttaṃ samattaṃ .

Issues

Select Version

Khandhavaggo

Khandhavaggo