问题
选择版本
Khandhavaggo
Khandhavaggo

7. Arahantavaggo

作者: _System_Pali_VRI_ @ Administrator

7. Arahantavaggo

1. Upādiyamānasuttaṃ

63. EvaṃT3.91M2.61 me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .
Atha kho aññataro bhikkhu yena bhagavā tenupasaṅkami ;
upasaṅkamitvā bhagavantaṃ abhivādetvā ekamantaṃ nisīdi .
Ekamantaṃ nisinno kho so bhikkhu bhagavantaṃ etadavoca –
‘‘ sādhu me , bhante , bhagavā saṃkhittena dhammaṃ desetu yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyyan ’’ ti .
‘‘ Upādiyamāno kho , bhikkhu , baddho mārassa ;
anupādiyamāno mutto pāpimato ’’ ti .
‘‘ AññātaṃP3.74 bhagavā , aññātaṃ sugatā ’’ ti .
‘‘ Yathā kathaṃ pana tvaṃ , bhikkhu , mayā saṃkhittena bhāsitassa vitthārena atthaṃ ājānāsī ’’ ti ?
‘‘ Rūpaṃ kho , bhante , upādiyamāno baddho mārassa ;
anupādiyamāno mutto pāpimato .
Vedanaṃ upādiyamāno baddho mārassa ;
anupādiyamāno mutto pāpimato .
Saññaṃ … saṅkhāreV2.69 … viññāṇaṃ upādiyamāno baddho mārassa ;
anupādiyamāno mutto pāpimato .
Imassa khvāhaṃ , bhante , bhagavatā saṃkhittena bhāsitassa evaṃ vitthārena atthaṃ ājānāmī ’’ ti .
‘‘ Sādhu sādhu , bhikkhu !
Sādhu kho tvaṃ , bhikkhu , mayā saṃkhittena bhāsitassa vitthārena atthaṃ ājānāsi .
Rūpaṃ kho , bhikkhu , upādiyamāno baddho mārassa ;
anupādiyamāno mutto pāpimato .
Vedanaṃ … saññaṃ … saṅkhāre … viññāṇaṃ upādiyamāno baddho mārassaT3.92 ;
anupādiyamāno mutto pāpimato .
Imassa kho , bhikkhu , mayā saṃkhittena bhāsitassa evaṃ vitthārena attho daṭṭhabbo ’’ ti .
Atha kho so bhikkhu bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi .
Atha kho so bhikkhu eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharati .
‘‘ Khīṇā jāti , vusitaṃ brahmacariyaṃ , kataṃM2.62 karaṇīyaṃ , nāparaṃ itthattāyā ’’ ti abbhaññāsi .
Aññataro ca pana so bhikkhu arahataṃ ahosīti .
Paṭhamaṃ .

2. Maññamānasuttaṃ

64. Sāvatthinidānaṃ .
Atha kho aññataro bhikkhu … pe … ekamantaṃ nisinno kho so bhikkhu bhagavantaṃ etadavocaP3.75 –
‘‘ sādhu me , bhante , bhagavā saṃkhittena dhammaṃ desetu … pe … ātāpī pahitatto vihareyyan ’’ ti .
‘‘ Maññamāno kho , bhikkhu , baddho mārassa ;
amaññamāno mutto pāpimato ’’ ti .
‘‘ Aññātaṃ bhagavā , aññātaṃ sugatā ’’ ti .
‘‘ Yathā kathaṃ pana tvaṃ , bhikkhu , mayā saṃkhittena bhāsitassa vitthārena atthaṃ ājānāsī ’’ ti ?
‘‘ Rūpaṃ kho , bhante , maññamāno baddho mārassa ;
amaññamāno mutto pāpimato .
Vedanaṃ … saññaṃ … saṅkhāre … viññāṇaṃ maññamāno baddho mārassa ;
amaññamāno mutto pāpimato .
Imassa khvāhaṃ , bhante , bhagavatā saṃkhittena bhāsitassa evaṃ vitthārena atthaṃ ājānāmī ’’ ti .
‘‘ SādhuV2.70 sādhuT3.93 , bhikkhu !
Sādhu kho tvaṃ , bhikkhu , mayā saṃkhittena bhāsitassa vitthārena atthaṃ ājānāsi .
Rūpaṃ kho , bhikkhu , maññamāno baddho mārassa ;
amaññamāno mutto pāpimato .
Vedanaṃ … saññaṃ … saṅkhāre … viññāṇaṃ maññamāno baddho mārassa ;
amaññamāno mutto pāpimato .
Imassa kho , bhikkhu , mayā saṃkhittena bhāsitassa evaṃ vitthārena attho daṭṭhabbo ’’ ti … pe … aññataro ca pana so bhikkhu arahataṃ ahosīti .
Dutiyaṃ .

3. Abhinandamānasuttaṃ

65. Sāvatthinidānaṃ .
Atha kho aññataro bhikkhu … pe … ekamantaṃ nisinno kho so bhikkhu bhagavantaṃ etadavoca –
‘‘ sādhu me , bhante , bhagavā saṃkhittena … pe … pahitatto vihareyyan ’’ ti .
‘‘ Abhinandamāno kho , bhikkhu , baddho mārassa ;
anabhinandamāno mutto pāpimato ’’ ti .
‘‘ Aññātaṃ bhagavā , aññātaṃ sugatā ’’ ti .
‘‘ YathāM2.63 kathaṃ pana tvaṃ , bhikkhu , mayā saṃkhittena bhāsitassa vitthārena atthaṃ ājānāsī ’’ ti ?
‘‘ Rūpaṃ kho , bhante , abhinandamāno baddho mārassa ;
anabhinandamāno mutto pāpimato .
Vedanaṃ … saññaṃ … saṅkhāre … viññāṇaṃ abhinandamāno baddho mārassa ;
anabhinandamāno mutto pāpimato .
ImassaP3.76 khvāhaṃ , bhante , bhagavatā saṃkhittena bhāsitassa evaṃ vitthārena atthaṃ ājānāmī ’’ ti .
‘‘ Sādhu sādhu , bhikkhu !
Sādhu kho tvaṃ , bhikkhu , mayā saṃkhittena bhāsitassa vitthārena atthaṃ ājānāsi .
Rūpaṃ kho , bhikkhu , abhinandamāno baddho mārassa ;
anabhinandamāno mutto pāpimato .
Vedanaṃ … saññaṃ … saṅkhāreT3.94 … viññāṇaṃ abhinandamāno baddho mārassa ;
anabhinandamāno mutto pāpimato .
Imassa kho , bhikkhu , mayā saṃkhittena bhāsitassa evaṃ vitthārena attho daṭṭhabbo ’’ ti … pe … aññataro ca pana so bhikkhu arahataṃ ahosīti .
Tatiyaṃ .

4. Aniccasuttaṃ

66. SāvatthinidānaṃV2.71 .
Atha kho aññataro bhikkhu … pe … ekamantaṃ nisinno kho so bhikkhu bhagavantaṃ etadavoca –
‘‘ sādhu me , bhante , bhagavā saṃkhittena dhammaṃ desetu … pe … ātāpī pahitatto vihareyyan ’’ ti .
‘‘ Yaṃ kho , bhikkhu , aniccaṃ ;
tatra te chando pahātabbo ’’ ti .
‘‘ Aññātaṃ bhagavā ;
aññātaṃ sugatā ’’ ti .
‘‘ Yathā kathaṃ pana tvaṃ , bhikkhu , mayā saṃkhittena bhāsitassa vitthārena atthaṃ ājānāsī ’’ ti ?
‘‘ Rūpaṃ kho , bhante , aniccaṃ ;
tatra me chando pahātabbo .
Vedanā … saññā … saṅkhārā … viññāṇaṃ aniccaṃ ;
tatra me chando pahātabbo .
Imassa khvāhaṃ , bhante , bhagavatā saṃkhittena bhāsitassa evaṃ vitthārena atthaṃ ājānāmī ’’ ti .
‘‘ Sādhu sādhu , bhikkhu !
Sādhu kho tvaṃ , bhikkhu , mayā saṃkhittena bhāsitassa vitthārena atthaṃ ājānāsi .
Rūpaṃ kho , bhikkhu , aniccaṃ ;
tatra te chando pahātabbo .
Vedanā aniccā … saññā … saṅkhārā … viññāṇaṃ aniccaṃ ;
tatra kho te chando pahātabbo .
Imassa kho , bhikkhu , mayā saṃkhittena bhāsitassa evaṃ vitthārena attho daṭṭhabbo ’’ ti … pe …P3.77 aññataro ca pana so bhikkhu arahataṃ ahosīti .
Catutthaṃ .

5. Dukkhasuttaṃ

67. SāvatthinidānaṃM2.64 .
Atha kho aññataro bhikkhu … pe … ekamantaṃ nisinno kho so bhikkhu bhagavantaṃ etadavocaT3.95 –
‘‘ sādhu me , bhante , bhagavā saṃkhittena dhammaṃ desetu … pe … ātāpī pahitatto vihareyyan ’’ ti .
‘‘ Yaṃ kho , bhikkhu , dukkhaṃ ;
tatra te chando pahātabbo ’’ ti .
‘‘ Aññātaṃ bhagavā ;
aññātaṃ sugatā ’’ ti .
‘‘ Yathā kathaṃ pana tvaṃ , bhikkhu , mayā saṃkhittena bhāsitassa vitthārena atthaṃ ājānāsī ’’ tiV2.72 ?
‘‘ Rūpaṃ kho , bhante , dukkhaṃ ;
tatra me chando pahātabbo .
Vedanā … saññā … saṅkhārā … viññāṇaṃ dukkhaṃ ;
tatra me chando pahātabbo .
Imassa khvāhaṃ , bhante , bhagavatā saṃkhittena bhāsitassa evaṃ vitthārena atthaṃ ājānāmī ’’ ti .
‘‘ Sādhu sādhu , bhikkhu !
Sādhu kho tvaṃ , bhikkhu , mayā saṃkhittena bhāsitassa vitthārena atthaṃ ājānāsi .
Rūpaṃ kho bhikkhu , dukkhaṃ ;
tatra te chando pahātabbo .
Vedanā … saññā … saṅkhārā … viññāṇaṃ dukkhaṃ ;
tatra te chando pahātabbo .
Imassa kho , bhikkhu , mayā saṃkhittena bhāsitassa evaṃ vitthārena attho daṭṭhabbo ’’ ti … pe … aññataro ca pana so bhikkhu arahataṃ ahosīti .
Pañcamaṃ .

6. Anattasuttaṃ

68. Sāvatthinidānaṃ .
Atha kho aññataro bhikkhu … pe … ekamantaṃ nisinno kho so bhikkhu bhagavantaṃ etadavoca –
‘‘ sādhu me , bhante , bhagavā saṃkhittena dhammaṃ desetu … pe … ātāpī pahitatto vihareyyan ’’ ti .
‘‘ Yo kho , bhikkhu , anattā ;
tatra te chando pahātabbo ’’ ti .
‘‘ Aññātaṃ , bhagavā ;
aññātaṃ , sugatā ’’ ti .
‘‘ YathāP3.78 kathaṃ pana tvaṃ , bhikkhu , mayā saṃkhittena bhāsitassa vitthārena atthaṃ ājānāsī ’’ ti ?
‘‘ Rūpaṃ kho , bhante , anattā ;
tatra meT3.96 chando pahātabbo .
Vedanā … saññā … saṅkhārā … viññāṇaṃ anattā ;
tatra me chando pahātabbo .
Imassa khvāhaṃ , bhante , bhagavatā saṃkhittena bhāsitassa evaṃ vitthārena atthaṃ ājānāmī ’’ ti .
‘‘ Sādhu sādhu , bhikkhu !
Sādhu kho tvaṃ , bhikkhu , mayā saṃkhittena bhāsitassa vitthārena atthaṃ ājānāsi .
Rūpaṃ kho , bhikkhu , anattā ;
tatra te chando pahātabboM2.65 .
Vedanā … saññā … saṅkhārā … viññāṇaṃ anattā ;
tatra te chando pahātabbo .
Imassa kho , bhikkhu , mayā saṃkhittena bhāsitassa evaṃ vitthārena attho daṭṭhabbo ’’ ti … pe …V2.73 aññataro ca pana so bhikkhu arahataṃ ahosīti .
Chaṭṭhaṃ .

7. Anattaniyasuttaṃ

69. Sāvatthinidānaṃ .
Atha kho aññataro bhikkhu … pe … ekamantaṃ nisinno kho so bhikkhu bhagavantaṃ etadavoca –
‘‘ sādhu me , bhante , bhagavā saṃkhittena dhammaṃ desetu … pe … vihareyyan ’’ ti .
‘‘ Yaṃ kho , bhikkhu , anattaniyaṃ ;
tatra te chando pahātabbo ’’ ti .
‘‘ Aññātaṃ , bhagavā ;
aññātaṃ , sugatā ’’ ti .
‘‘ Yathā kathaṃ pana tvaṃ , bhikkhu , mayā saṃkhittena bhāsitassa vitthārena atthaṃ ājānāsī ’’ ti ?
‘‘ Rūpaṃ kho , bhante , anattaniyaṃ ;
tatra me chando pahātabbo .
Vedanā … saññā … saṅkhārā … viññāṇaṃ anattaniyaṃ ;
tatra me chando pahātabbo .
Imassa khvāhaṃ , bhante , bhagavatā saṃkhittena bhāsitassa evaṃ vitthārena atthaṃ ājānāmī ’’ ti .
‘‘ Sādhu sādhu , bhikkhu !
Sādhu kho tvaṃ , bhikkhu , mayā saṃkhittena bhāsitassa vitthārena atthaṃ ājānāsi .
Rūpaṃ kho , bhikkhuT3.97 , anattaniyaṃ ;
tatra te chando pahātabbo .
VedanāP3.79 … saññā … saṅkhārā … viññāṇaṃ anattaniyaṃ ;
tatra te chando pahātabbo .
Imassa kho , bhikkhu , mayā saṃkhittena bhāsitassa evaṃ vitthārena attho daṭṭhabbo ’’ ti … pe … aññataro ca pana so bhikkhu arahataṃ ahosīti .
Sattamaṃ .

8. Rajanīyasaṇṭhitasuttaṃ

70. Sāvatthinidānaṃ .
Atha kho aññataro bhikkhu … pe … ekamantaṃ nisinno kho so bhikkhu bhagavantaṃ etadavoca –
‘‘ sādhu me , bhante , bhagavā saṃkhittena dhammaṃ desetu , yamahaṃ bhagavato dhammaṃ sutvā … pe … vihareyyan ’’ ti .
‘‘ Yaṃ kho , bhikkhu , rajanīyasaṇṭhitaṃ ;
tatra te chando pahātabbo ’’ ti .
‘‘ Aññātaṃ , bhagavā ;
aññātaṃ , sugatā ’’ ti .
‘‘ YathāV2.74 kathaṃ pana tvaṃ , bhikkhu , mayā saṃkhittena bhāsitassa vitthārena atthaṃ ājānāsī ’’ ti ?
‘‘ Rūpaṃ kho , bhante , rajanīyasaṇṭhitaṃ ;
tatra me chando pahātabbo .
Vedanā … saññā … saṅkhārā … viññāṇaṃ rajanīyasaṇṭhitaṃ ;
tatra me chando pahātabbo .
Imassa khvāhaṃ , bhante , bhagavatā saṃkhittena bhāsitassa evaṃ vitthārena atthaṃ ājānāmī ’’ ti .
‘‘ SādhuM2.66 sādhu bhikkhu !
Sādhu kho tvaṃ , bhikkhu , mayā saṃkhittena bhāsitassa vitthārena atthaṃ ājānāsi .
Rūpaṃ kho , bhikkhu , rajanīyasaṇṭhitaṃ ;
tatra te chando pahātabbo .
Vedanā … saññā … saṅkhārā … viññāṇaṃ rajanīyasaṇṭhitaṃ ;
tatra te chando pahātabbo .
Imassa kho , bhikkhu , mayā saṃkhittena bhāsitassa evaṃ vitthārena attho daṭṭhabbo ’’ ti … pe … aññataro caT3.98 pana so bhikkhu arahataṃ ahosīti .
Aṭṭhamaṃ .

9. Rādhasuttaṃ

71. Sāvatthinidānaṃ .
Atha kho āyasmā rādho yena bhagavā tenupasaṅkamiP3.80 ;
upasaṅkamitvā bhagavantaṃ etadavoca –
‘‘ kathaṃ nu kho , bhante , jānato , kathaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānānusayā na hontī ’’ ti ?
‘‘ Yaṃ kiñci , rādha , rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā , sabbaṃ rūpaṃ –
‘ netaṃ mama , nesohamasmi , na meso attā ’ ti evametaṃ yathābhūtaṃ sammappaññāya passati .
Yā kāci vedanā … yā kāci saññā … ye keci saṅkhārā … yaṃ kiñci viññāṇaṃ atītānāgatapaccuppannaṃ … pe … yaṃ dūre santike vā , sabbaṃ viññāṇaṃ –
‘ netaṃ mama , nesohamasmi , na meso attā ’ ti evametaṃ yathābhūtaṃ sammappaññāya passati .
Evaṃ kho , rādha , jānato evaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānānusayā na hontī ’’ ti … pe …V2.75 aññataro ca panāyasmā rādho arahataṃ ahosīti .
Navamaṃ .

10. Surādhasuttaṃ

72. Sāvatthinidānaṃ .
Atha kho āyasmā surādho bhagavantaṃ etadavoca –
‘‘ kathaṃ nu kho , bhante , jānato kathaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṃ mānasaṃ hoti , vidhā samatikkantaṃ santaṃ suvimuttan ’’ ti ?
‘‘ YaṃT3.99 kiñci , surādha , rūpaṃ atītānāgatapaccuppannaṃ … pe … yaṃ dūre santike vā , sabbaṃ rūpaṃ –
‘ netaṃ mama , nesohamasmi , na meso attā ’ ti evametaṃ yathābhūtaṃ sammappaññāya disvā anupādāvimutto hoti .
Yā kāci vedanā … yā kāci saññā … ye keci saṅkhārā … yaṃP3.81 kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vāM2.67 sukhumaṃ vā hīnaṃ vā paṇītaṃ vā yaṃ dūre santike vā , sabbaṃ viññāṇaṃ –
‘ netaṃ mama , nesohamasmi , na meso attā ’ ti evametaṃ yathābhūtaṃ sammappaññāya disvā anupādāvimutto hoti .
Evaṃ kho , surādha , jānato evaṃ passato imasmiñca saviññāṇake kāye , bahiddhā ca sabbanimittesu ahaṅkāramamaṅkāramānāpagataṃ mānasaṃ hoti vidhā samatikkantaṃ santaṃ suvimuttan ’’ ti … pe … aññataro ca panāyasmā surādho arahataṃ ahosīti .
Dasamaṃ .
Arahantavaggo sattamo .
Tassuddānaṃ –
Upādiyamaññamānā , athābhinandamāno ca ;
Aniccaṃ dukkhaṃ anattā ca , anattanīyaṃ rajanīyasaṇṭhitaṃ ;
Rādhasurādhena te dasāti .