9. Paripācitasikkhāpadaṃ
9. Paripācitasikkhāpadavaṇṇanā
192. Navame mahānāgesūti mahāarahantesu tiṭṭhamānesu santesu , cetake pessabhūte navake bhikkhū nimantetīti adhippāyo .
192. Ceṭaketi dārake .
Taruṇapotaketi porāṇā .
‘‘ Pāpabhikkhūnaṃ pakkhupacchedāya idaṃ paññattaṃ , tasmā pañca bhojaneyevāpatti vuttā ’’ ti likhitaṃ .
Itarathāti vibhattivipallāsato vā pāṭhasesato vā aññena pakārena .
Antaraṃ majjhaṃ pattā kathā antarakathāti dassento āha ‘‘ avasānan ’’ tiādi .
Pakirīyitthāti pakatā , na
M0.58 pakatā vippakatāti vutte kariyamānakathāvāti āha ‘‘ kariyamānā hotī ’’ ti .Addhacchikenāti upaḍḍhacakkhunā .
Tehīti therehi .
194. Laddhabban ti laddhārahaṃ .
Assāti ‘‘ bhikkhuniparipācitan ’’ tipadassa .
194. Navame
M3.52 paṭiyāditan ti bhikkhūnaṃ atthāya sampāditaṃ .Ñātakā vā honti pavāritā vāti ettha sacepi bhikkhuno aññātakā appavāritā ca siyuṃ , bhikkhuniyā ñātakā pavāritā ce , vaṭṭati .
Sammā ārabhitabboti samārambhoti dassento āha ‘‘ samāraddhaṃ vuccatī ’’ ti .
Paṭiyāditassāti paripācitassa bhattassa .
Gihīnaṃ samārambhoti gihisamārambho , katvatthe cetaṃ sāmivacanaṃ .
Tatoti tato bhattato .
Aññatrāti vinā .
Tamatthaṃ vivaranto āha ‘‘ taṃ piṇḍapātaṃ ṭhapetvā ’’ ti .
Padabhājane pana vuttanti sambandho .
‘‘ Ñātakapavāritehī ’’ tipadaṃ ‘‘ asamāraddho ’’ tipade kattā .
Atthatoti bhikkhuniaparipācitaatthato .
Tasmāti yasmā atthato samāraddhova hoti , tasmā .
195. Paṭiyāditan ti paṭiyattaṃ .
Pakatiyā paṭiyattaṃ pakatipaṭiyattan ti dassento āha ‘‘ pakatiyā ’’ tiādi .
Mahāpaccariyaṃ pana vuttanti sambandho .
Tassāti tasseva bhikkhuno .
Aññassāti tato aññassa bhikkhuno .
197. Bhikkhuniparipācitepīti pi saddo bhikkhuniaparipācite kā nāma kathāti dassetīti .
Navamaṃ .
197. Pāpabhikkhūnaṃ pakkhupacchedāya idaṃ paññattaṃ , tasmā pañcabhojaneyeva āpatti vuttā .
Pañca bhojanāni ṭhapetvā sabbattha anāpattīti idaṃ pana iminā sikkhāpadena anāpattidassanatthaṃ vuttaṃ .
Viññattiyā uppannaṃ paribhuñjantassa hi aññattha vuttanayena dukkaṭaṃ .
197. Navame pāḷiyaṃ ‘‘ sikkhamānā … pe … pañca bhojanāni ṭhapetvā sabbattha anāpattī ’’ ti idaṃ iminā sikkhāpadena anāpattiṃ sandhāya vuttaṃ .
Pañcahi sahadhammikehi kataviññattiparikathādīhi uppannaṃ paribhuñjantassa dukkaṭameva .
Bhikkhuniyā paripācitatā , tathā jānanaṃ , gihisamārambhābhāvo , bhojanatā , tassa ajjhoharaṇanti imānettha pañca aṅgāni .
Sesaṃ uttānameva .
Bhikkhuniparipācitabhāvo , jānanaṃ , gihisamārambhābhāvo , odanādīnaṃ aññataratā , tassa ajjhoharaṇanti imāni panettha pañca aṅgāni .
Paripācitasikkhāpadavaṇṇanā niṭṭhitā .
Paripācitasikkhāpadavaṇṇanā niṭṭhitā .