6. Dutiyasahaseyyasikkhāpadaṃ
55. Chaṭṭhe āgantukā vasanti etthāti āvasatho , āvasatho ca so agārañceti āvasathāgāran ti dassento āha ‘‘ āgantukānaṃ vasanāgāran ’’ ti .
55. Chaṭṭhe ‘‘ paṭhamasikkhāpade ‘ bhikkhuṃ ṭhapetvā avaseso anupasampanno nāmā ’ ti vuttattā
V3.10 ‘ mātugāmopi anupasampannaggahaṇena gahitoyevā ’ ti catutthadivase mātugāmena saddhiṃ sayantassa dvīhi sikkhāpadehi dve pācittiyāni hontī ’’ ti vadanti .
Gaṇṭhipadesu pana tīsupi ‘‘ imasmiṃ sikkhāpade mātugāmassa visuṃ vuccamānattā paṭhamasikkhāpade ‘ bhikkhuṃ ṭhapetvā avaseso anupasampanno nāmā ’ ti purisasseva gahaṇaṃ anucchavikan ’’ ti vuttaṃ , tadeva ca yuttataraṃ .
YañcaM3.11 idha ‘‘ paṭhamadivasepīti pi -saddena catutthadivasepīti vuttaṃ hotī ’’ ti kāraṇaṃ vadanti , tampi akāraṇaṃ pi -saddo sampiṇḍanatthoyevāti niyamābhāvato avadhāraṇatthassa ca sambhavato .
Sambhāvane vā pi -saddo daṭṭhabbo .
Tena idha paṭhamadivasepi tāva āpatti , dutiyādidivase kimeva vattabbanti imamatthaṃ dīpeti .
Sampiṇḍanatthepi pi -sadde gayhamāne imināva sikkhāpadena āpajjitabbāpattiyā aññasmimpi divase āpajjanaṃ dīpeti , na paṭhamasikkhāpadena āpajjitabbāpattiyāti akāraṇameva tanti daṭṭhabbaṃ .
55.‘‘ Atha kho te manussā ’’ ti ca ‘‘ te addhikā ’’ ti ca pāṭho .
‘‘ Ekarattan ’’ tipi atthi , so na sundaro .
Paṇḍake pāḷiyaṃ dukkaṭassa vuttattā ‘‘ ubhatobyañjanehi mūlāpattīti dissatī ’’ ti ,‘‘ animittādayo itthiyovā ’’ ti ca vadanti ubhatobyañjanake vuttaṃ viya .
Kiñcāpi matitthī pārājikavatthu hoti , anupādinnapakkhe ṭhitattā pana idha āpattiṃ na karoti .
Pārājikāpattiṭṭhānañcettha na oloketabbaṃ .
Dutiyasahaseyyasikkhāpadavaṇṇanā niṭṭhitā .
55. Chaṭṭhe mātugāmena saddhiṃ catutthadivase sayantassāpi iminā sikkhāpadena ekāva āpatti .
Keci pana purimasikkhāpadenāpīti dve āpattiyo vadanti , taṃ na yuttaṃ ‘‘ anupasampannenā ’’ ti anitthiliṅgena vuttattā napuṃsakenaM2.8 pana catutthadivase sayantassa sadukkaṭapācittiyaṃ vattuṃ yuttaṃ .
Kiñcāpettha pāḷiyaṃ paṇḍakavaseneva dukkaṭaṃ vuttaṃ , tadanulomikā pana purisaubhatobyañjanakena saha sayantassa iminā dukkaṭaṃ , purimena catutthadivase sadukkaṭapācittiyaṃ .
Itthiubhatobyañjanako itthigatikovāti ayaṃ amhākaṃ khanti .
Matitthiyā anāpattīti vadanti .
Pācittiyavatthukasenāsanaṃ , tattha mātugāmena saddhiṃ nipajjanaṃ , sūriyatthaṅgamananti imānettha tīṇi aṅgāni .Manussānaṃ santikā vacanaṃ sutvāti vacanaseso yojetabbo .
‘‘ Matitthī pārājikavatthubhūtāpi anupādinnapakkhe ṭhitattā sahaseyyāpattiṃ na janetī ’’ ti vadanti .
Sāṭakan ti uttarasāṭakaṃ , nivatthavatthantipi vadanti .
‘‘ Atthaṅgate sūriye mātugāme nipanne bhikkhu nipajjatī ’’ ti vacanato divā sayantassa sahaseyyāpatti na hotiyevāti daṭṭhabbaṃ .
Accāgammāti tvāpaccayantapadassa sambandhaṃ dassetumāha ‘‘ pavatto ’’ ti .
Yathā omasavādasikkhāpade akkosetukāmatāya khattiyaṃ ‘‘ caṇḍālo ’’ ti vadato alikaṃ bhaṇatopi musāvādasikkhāpadena anāpatti , omasavādasikkhāpadeneva āpatti , evamidhāpi mātugāmena saha sayato paṭhamasahaseyyasikkhāpadena anāpatti , imināva āpattīti daṭṭhabbanti .
Pācittiyavatthukasenāsanaṃ , tattha mātugāmena saha nipajjanaṃ , sūriyatthaṅgamananti imānettha tīṇi aṅgāni .
Chaṭṭhaṃ .
Dutiyasahaseyyasikkhāpadavaṇṇanā niṭṭhitā .
Dutiyasahaseyyasikkhāpadavaṇṇanā niṭṭhitā .