10. Uyyodhikasikkhāpadaṃ
10. Uyyodhikasikkhāpadavaṇṇanā
10. Uyyodhikasikkhāpadavaṇṇanā
322. Dasame yujjhantīti saṃpaharanti .
322. Dasame kati te lakkhāni laddhānīti tava sarappahārassa lakkhaṇabhūtā kittakā janā tayā laddhāti attho , kittakā tayā viddhāti vuttaṃ hoti .
Sesamettha uttānameva .
Uyyodhikādidassanatthāya gamanaṃ , anuññātokāsato aññatra dassanaṃ , tathārūpapaccayassa āpadāya vā abhāvoti imāni panettha tīṇi aṅgāni .
Uyyodhikasikkhāpadavaṇṇanā niṭṭhitā .
322. Dasame pāḷiyaṃ kati te lakkhāni laddhānīti kittakā tayā laddhāti attho .
Uyyodhikādidassanāya
V2.40 tathārūpapaccayaṃ vinā gamanaṃ , ananuññātokāse dassananti imānettha dve aṅgāni .‘‘ Balassa aggaṃ etthā ’’ tiiminā bhinnādhikaraṇabāhiratthasamāsaṃ dasseti .
‘‘ Jānantī ’’ tipadaṃ atthasampuṇṇatthāya pakkhittaṃ .
Aggan ti koṭṭhāsaṃ .
Balaṃ gaṇīyati etthāti balaggan ti vacanatthopi yujjati .
Tenāha ‘‘ balagaṇanaṭṭhānan ’’ ti .
Idañhi vacanaṃ ambasecanagarusinanayena vuttaṃ .
Kathaṃ ?
‘‘ Balagaṇanaṭṭhānan ’’ ti vadantena aṭṭhakathācariyena ‘‘ balassa aggaṃ jānanti etthāti balaggan ’’ ti vacanatthassa piṇḍattho ca ñāpīyati ,‘‘ balaṃ gaṇīyati etthāti balaggan ’’ ti vacanattho ca dassīyati .
Viyūhīyate sampiṇḍīyate byūho , senāya byūho senābyūhoti atthaṃ dasseti ‘‘ senāya viyūhan ’’ tiādinā .
Aṇati bheravasaddaṃ karotīti aṇīkaṃ , muddhajaṇakāro , hatthīyeva aṇīkaṃ
V1.84 hatthāṇīkaṃ .
Eseva nayo sesesupi .
Yo hatthī pubbe vutto , tena hatthināti yojanāti .Dasamaṃ .
Uyyodhikasikkhāpadavaṇṇanā niṭṭhitā .
Acelakavaggo pañcamo .
Niṭṭhito acelakavaggo pañcamo .
Niṭṭhito acelakavaggo pañcamo .