7. Vikālabhojanasikkhāpadavaṇṇanā
7. Vikālabhojanasikkhāpadavaṇṇanā
7. Vikālabhojanasikkhāpadavaṇṇanā
247. Sattame girimhīti pabbatamhi .
So hi himavamanādivasena jalaṃ , sārabhūtāni ca bhesajjādivatthūni girati niggiratīti girīti vuccati .
Aggasamajjoti uttamasamajjo .
Imehi padehi aggo samajjo aggasamajjo , girimhi pavatto aggasamajjo giraggasamajjoti atthaṃ dasseti .
Samajjoti ca sabhā .
Sā hi samāgamaṃ ajanti gacchanti janā etthāti samajjoti vuccati .
‘‘ Girissa vā ’’ tiādinā girissa aggo koṭi giraggo , tasmiṃ pavatto samajjo giraggasamajjoti attho dassito .
Soti giraggasamajjo .
247. Sattame aggasamajjoti uttamaṃ naccaṃ .
Taṃ kira pabbatamatthake ṭhatvā ekaṃ devataṃ uddissa karonti .
247. Sattame naṭānaṃ nāṭakāti naṭanāṭakā , sītāharaṇādīni .
Bhavissati kirāti yojanā .
Bhūmibhāgeti avayaviādhāro , sannipatatīti sambandho .
Naṭañca nāṭakañca naṭanāṭakāni .
‘‘ Naccaṃ gītaṃ vāditañcā ’’ ti idaṃ tayaṃ ‘‘ nāṭakan ’’ ti vuccati .
Tesan ti naṭanāṭakānaṃ .
Dassanatthan ti dassanāya ca savanāya ca .
Savanampi hi dassaneneva saṅgahitaṃ .
Naṭānaṃ nāṭakāni naṭanāṭakāni , sītāharaṇādīni .
Apaññatte
M0.78 sikkhāpadeti ūnavīsativassasikkhāpadassa tāva apaññattattā .
Teti sattarasavaggiyā .
Tatthāti giraggasamajjaṃ .
Apaññatte sikkhāpadeti ūnavīsativassasikkhāpade apaññatte .Athāti tasmiṃ kāle .
Nesan ti sattarasavaggiyānaṃ adaṃsūti sambandho .
Vilimpetvāti vilepanehi vividhākārena limpetvā .
Adaṃsūti ‘‘ vihāraṃ netvā khādissathā ’’ ti adaṃsu .