6. Jotisikkhāpadaṃ
6. Jotisikkhāpadavaṇṇanā
6. Jotisikkhāpadavaṇṇanā
6. Jotisikkhāpadavaṇṇanā
350. Chaṭṭhe janapadassa nāmattā bahuvacanavasena ‘‘ bhaggesū ’’ ti pāḷiyaṃ vuttaṃ .
350. Chaṭṭhe
M3.81V3.73 bhaggā nāma janapadino rājakumārā , tesaṃ nivāso ekopi janapado ruḷhīsaddena ‘‘ bhaggā ’’ ti vuccati .
Tena vuttaṃ ‘‘ bhaggāti janapadassa nāman ’’ ti .Susumārasaṇṭhāno pabbatasaṅkhāto giri etthāti susumāragiri , etassa vā māpitakāle susumāro girati saddaṃ niggirati etthāti susumāragirīti atthamanapekkhitvā vuttaṃ ‘‘ nagarassa nāman ’’ ti .
Susumāragireti evaṃnāmake nagare .
Tassa kira nagarassa māpanatthaṃ vatthuvijjācariyena nagaraṭṭhānassa pariggaṇhanadivase avidūre susumāro saddamakāsi giraṃ nicchāresi .
Atha anantarāyena nagare māpite tameva susumāragiraṇaṃ subhanimittaṃ katvā susumāragiraṃtvevassa nāmaṃ akaṃsu .
Keci pana ‘‘ susumārasaṇṭhānattā susumāro nāma eko giri , so tassa nagarassa samīpe , tasmā taṃ susumāragiri etassa atthīti ‘ susumāragirī ’ ti vuccatī ’’ ti vadanti .
Tathā vā hotu aññathā vā , nāmametaṃ tassa nagarassāti āha ‘‘ susumāragiranti nagarassa nāman ’’ ti .
Taṃ panāti vanaṃ pana .
Bhesakaḷāti ghampaṇḍanāmako gacchaviseso .
Keci ‘‘ setarukkho ’’ tipi vadanti .
Tesaṃ bahulatāya pana taṃ vanaṃ bhesakaḷāvanantveva paññāyittha .
‘‘ Bhesagaḷāvane ’’ tipi pāṭho .
‘‘ Bheso nāma eko yakkho ayuttakārī , tassa tato gaḷitaṭṭhānatāya taṃ vanaṃ bhesagaḷāvanaṃ nāma jātan ’’ ti hi keci .
‘‘ Migānan ’’ tiādinā migānaṃ abhayo dīyati etthāti migadāyoti atthaṃ dasseti .
352.‘‘ Jotike ’’ tipadassa jotissa aggissa karaṇaṃ jotikan ti dassetuṃ vuttaṃ ‘‘ jotikaraṇe ’’ ti .
352. Jotikaraṇeti aggikaraṇe .
Sesamettha uttānameva .
Agilānatā , anuññātakaraṇābhāvo , visibbetukāmatā , samādahananti imāni panettha cattāri aṅgāni .
Jotisikkhāpadavaṇṇanā niṭṭhitā .
7. Nahānasikkhāpadavaṇṇanā
356. Padīpādīnīti
M0.104 padīpajotikādīni .Tatthāti tāsu duṭṭhavāḷamigaamanussasaṅkhātāsu āpadāsu nimittabhūtāsu .
Nimittatthe cetaṃ bhummavacananti .
Chaṭṭhaṃ .