3. Sabhojanasikkhāpadaṃ
279. Tatiye ‘‘ sayaniyaghare ’’ ti vattabbe yakāralopaṃ katvā ‘‘ sayanighare ’’ ti vuttanti āha ‘‘ sayanighare ’’ ti .
Yatoti ettha tosaddo paṭhamādīsu atthesu dissati .
‘‘ Yatonidānan ’’ tiādīsu ( su . ni .275) paṭhamatthe .
‘‘ Antarāye asesato ’’ tiādīsu ( dha . sa . aṭṭha . ganthārambhakathā 7) dutiyatthe
M0.97 .
‘‘ Aniccato ’’ tiādīsu ( paṭṭhā .1.1.409) tatiyatthe .
‘‘ Mātito pitito ’’ tiādīsu ( dī . ni .1.311) pañcamyatthe .
‘‘ YaṃV1.81 parato dānapaccayā ’’ tiādīsu ( jā .2.22.585) chaṭṭhyatthe .
‘‘ Purato pacchato ’’ tiādīsu ( pāci .576) sattamyatthe .
‘‘ Padamato ’’ tiādīsu kāraṇatthe dissati .
Idhāpi kāraṇattheyevāti āha ‘‘ yasmā ’’ ti .
Yasmā kāraṇā ayyassa bhikkhā dinnā , tasmā gacchatha bhante tumheti attho .
Yan ti bhikkhaṃ .
Voti tumhehi .Adhippāyoti purisassa ajjhāsayo .
‘‘ Pariyuṭṭhito ’’ ti sāmaññato vuttepi atthapakaraṇādito rāgapariyuṭṭhitovādhippetoti āha ‘‘ rāgapariyuṭṭhito ’’ ti , rāgena paribhavitvā uṭṭhitoti attho .
280. Sabhojanan ti ettha sakāro sahasaddakāriyo ca akārukārānaṃ asarūpattā akārato ukārassa lopo ca tīsu padesu pacchimānaṃ dvinnaṃ padānaṃ tulyatthanissitasamāso ca pubbapadena saha bhedanissitabāhiratthasamāso ca hoti , iti imamatthaṃ dassento āha ‘‘ saha ubhohi janehī ’’ ti .
Atha vā bhuñjitabbanti bhojanaṃ , saṃ vijjati bhojanaṃ asmiṃ kuleti sabhojanan ti dassento āha ‘‘ atha vā ’’ tiādi .
Hīti saccaṃ .
280. Sabhojaneti
V0.292 ettha paṭhamavikappo ‘‘ itthī ca puriso cā ’’ ti iminā tatiyapadena yujjati , dutiyavikappo paṭhamehi dvīhi .Tenevāti teneva aññamaññaṃ bhuñjitabbattā .
Assāti ‘‘ sabhojane ’’ tipadassa .
280. Tatiye piṭṭhasaṅghāṭoti dvārabāhāyetaṃ adhivacanaṃ .
Khuddakaṃ nāma sayanigharaṃ vitthārato pañcahatthappamāṇaṃ hoti , tassa ca majjhimaṭṭhānaṃ piṭṭhasaṅghāṭato aḍḍhateyyahatthappamāṇameva hoti , tasmā tādise sayanighare piṭṭhasaṅghāṭato hatthapāsaṃ vijahitvā nisinno piṭṭhivaṃsaṃ atikkamitvā nisinno nāma hoti .
Evaṃ nisinno ca majjhaṃ atikkamitvā nisinno nāma hotīti āha ‘‘ iminā majjhātikkamaṃ dassetī ’’ ti .
Kuleti ghare .
Yathā vā tathā vā katassāti piṭṭhivaṃsaṃ āropetvā vā anāropetvā vā katassa .
Ghareti ettha pubbo sayanisaddo lopoti āha ‘‘ sayanighare ’’ ti .
Iminā ‘‘ datto ’’ tiādīsu viya pubbapadalopasamāsaṃ dasseti .
Piṭṭhasaṅghāṭassāti ettha piṭṭhasaṅghāṭo nāma na aññassa yassa kassaci , atha kho sayanigharagabbhassevāti āha ‘‘ tassa sayanigharagabbhassā ’’ ti .
Yathā vā tathā vāti yena vā te na vā ākārena .
Katassāti piṭṭhivaṃsaṃ āropetvā vā anāropetvā vā katassāti .
Sesamettha uttānameva .
Sacittakan ti anupavisitvā nisīdanacittena sacittakaṃ .
Pariyuṭṭhitarāgajāyampatikānaṃ sannihitatā , sayanigharatā , dutiyassa bhikkhuno abhāvo , anupakhajja nisīdananti imāni panettha cattāri aṅgāni .
Anupavisitvā nisīdanacittena sacittakaṃ .
Tatiyaṃ .
Sabhojanasikkhāpadavaṇṇanā niṭṭhitā .
Sabhojanasikkhāpadavaṇṇanā niṭṭhitā .
4. Rahopaṭicchannasikkhāpadavaṇṇanā
284. Catutthapañcamesu yathā ca sabhojanasikkhāpadaṃ paṭhamapārājikasamuṭṭhānaṃ , evameva tānipīti yojanāti .
Catutthapañcamāni .
284-289.
Catutthapañcamesu
V3.69 natthi kiñci vattabbaṃ .
284. Idha pañcamaṃ upanandassa catutthaṃ hoti , tasmā bhikkhunivaggassa dasamaṭṭhakathāyaṃ upari upanandassa ‘‘ tatiyasikkhāpadenā ’’ ti na pāṭho ,‘‘ catutthenā ’’ ti pāṭhoti veditabbo .
284-289.
Catutthapañcamāni vuttatthāni .Rahopaṭicchannasikkhāpadavaṇṇanā niṭṭhitā .
5. Rahonisajjasikkhāpadavaṇṇanā