9. Kammapaṭibāhanasikkhāpadavaṇṇanā
9. Kammapaṭibāhanasikkhāpadavaṇṇanā
9. Khiyyanasikkhāpadavaṇṇanā
474. Navame mayan ti chabbaggiyanāmakā amhe .
Katattāti kammānaṃ katattā .
Dhammoti bhūto sabhāvo .
Etesūti catūsu saṅghakammesūti .
474. Navamaṃ uttānatthameva .
474.‘‘ Dhammikānaṃ kammānan ’’ ti ( pāci .475) vacanato ekacce bhikkhū dhammikānaṃ kammānaṃ ‘‘ chandaṃ dammī ’’ ti chandaṃ denti , taṃ tesaṃ matimattameva , na paṭipatti .
Adhammaṃ nissāya khiyyati , taṃ vā ukkoṭeti , anāpatti neva hotīti ?
Na , tathā chandadānakāle akatvā pacchā adhammakammakhiyyanādipaccayā anāpattivāre vuttattā .
Adhammena vā vaggena vā na kammārahassa vā kammakaraṇapaccayā āpattimokkhakaraṇato avisesameva tathāvacananti ce ?
Na , chandadānakāle adhammakammakaraṇānumatiyā abhāvato , kārakasseva vajjappasaṅgato ca .
Gaṇassa dukkaṭanti ce ?
Pārisuddhichandadāyakāva te , na gaṇo akammappattattā , parivāre pi ( pari .482 ādayo ) kammavagge kammappattachandadāyakā visuṃ vuttā .
Tathāpi adhammakammassa chando na dātabbo dente akappiyānumatidukkaṭato .
Tattha hi yojanadukkaṭato na muccantīti no takkoti ācariyo .
474. Navame dhammakammatā , jānanaṃ , chandaṃ datvā khiyyananti tīṇi aṅgāni .
Dhammakammatā , dhammakammanti saññā , chandaṃ datvā khiyyananti imāni panettha tīṇi aṅgāni .
Navamaṃ .
Kammapaṭibāhanasikkhāpadavaṇṇanā niṭṭhitā .
Kammapaṭibāhanasikkhāpadavaṇṇanā niṭṭhitā .
Khiyyanasikkhāpadavaṇṇanā niṭṭhitā .