382. SappāṇakavaggassaV1.89 paṭhame usuṃ asati khipati anenāti issāsoti kate dhanuyeva mukhyato issāso nāma , dhanuggahā- cariyoM0.106 pana upacārena . Usuṃ asati khipatīti issāsoti kate dhanuggahācariyo issāso nāma , idha pana upacārattho vā kattuttho vā gahetabboti āha ‘‘ dhanuggahācariyo hotī ’’ ti . Pabbajitakāle issāsassa ayuttattā vuttaṃ ‘‘ gihikāle ’’ ti . 382. SappāṇakavaggassaM3.83V3.75 paṭhamasikkhāpade usuṃ saraṃ assati khipatīti issāso , dhanusippakusaloti āha ‘‘ dhanuggahācariyo ’’ ti . Paṭisattuvidhamanatthaṃ dhanuṃ gaṇhantīti dhanuggahā , tesaṃ ācariyo dhanuggahācariyo . 382. SañciccapāṇasikkhāpadaṃM0.331 uttānatthameva . 382. Sattamassa paṭhame usuṃ saraṃ asati khipatīti issāso .

Voropitāti ettha vi ava pubbassa ruhadhātussa adhippāyatthaṃ dassetuṃ vuttaṃ ‘‘ viyojitā ’’ ti . Yasmā gacchatīti sambandho . Etan ti ‘‘ jīvitā voropitā ’’ tivacanaṃ . Kasmā vohāramattameva hoti , nanu yato kutoci yasmiṃ kismiṃci viyojite dve vatthūni viya visuṃ tiṭṭhanti pāṇato jīvite viyojite pāṇajīvitāpīti āha ‘‘ na hetthā ’’ tiādi . Hīti saccaṃ . Etthāti ‘‘ jīvitā voropitā ’’ tivacane dassetunti sambandho . Kiñci jīvitaṃ nāmāti yojanā . Ayaṃ panettha atthasambandho – sīsālaṅkāre sīsato viyojite sīsaṃ alaṅkārato visuṃ tiṭṭhati yathā , evaṃ jīvite pāṇato viyojite jīvitaṃ pāṇato visuṃ na tiṭṭhati nāmāti . Aññadatthūti ekaṃsena . Na hettha kiñci jīvitaṃ nāma visuṃ tiṭṭhatīti sambandho .

‘‘ Pāṇan ’’ ti sāmaññato vuttopi manussapāṇassa pārājikaṭṭhāne gahitattā idha pārisesañāyena tiracchānapāṇova gahetabboti āha ‘‘ tiracchānagatoyeva pāṇo ’’ ti . Tan ti pāṇaṃ . Mahante pana pāṇeti sambandho . Tattha pāṇeti satte .

Appamattena vattaṃ kātabban ti yathā te pāṇā na maranti , evaṃ sūpaṭṭhitassatinā senāsane vattaṃ kātabbaṃ . Appamattena vattaṃ kātabban ti yathā pāṇakānaṃ vihesāpi na hoti , evaṃ sallakkhetvā otāpanasammajjanādivattaṃ kātabbaṃ .

Sesamettha uttānameva . Aṅgānipi manussaviggahe vuttanayena veditabbānīti . Sesaṃ vuttanayameva .

Sañciccasikkhāpadavaṇṇanā niṭṭhitā . Sañciccapāṇasikkhāpadavaṇṇanā niṭṭhitā .