428. Dasame ariṭṭhassa uppannaṃ viya etassāpi uppannanti yojanā . Ummajjantassāti manasikarontassa . 428. YatthaV0.302 te na passāmāti teti taṃ . Atha vā tava rūpādiṃ na passāma . Ayaṃ samaṇuddeso pārājiko hoti . ‘‘ Sace taṃ diṭṭhiṃ paṭinissajjati , saṅghassa ārocetvā saṅghānumatiyā pabbājetabbo ’’ ti porāṇagaṇṭhipade vuttaṃ , taṃ na yuttaṃ , daṇḍakammanāsanā hi idhādhippetā . YadiM0.335 so pārājiko , liṅganāsanā nāma siyā . Te paṭisevato nālaṃ antarāyāyāti ca diṭṭhi satthari asatthādidiṭṭhi na hoti . Sace sā yassa uppajjati , so pārājiko hoti , tasmimpi evameva paṭipajjitabbaṃ saṃvare atiṭṭhanto liṅganāsanāyeva nāsetabboti ācariyassa takko . 428. Dasame pireti sambodhanatthe nipātapadaṃ . Sesaṃ anantarasikkhāpadadvaye vuttanayameva .

Saṃvāsassa nāsanā saṃvāsanāsanā . Liṅgassa nāsanā liṅganāsanā . Daṇḍakammena nāsanā daṇḍakammanāsanā . Tatthāti tividhāsu nāsanāsu . Dūsako … pe … nāsethāti ettha ayaṃ nāsanā liṅganāsanā nāmāti yojanā . Ayan ti daṇḍakammanāsanā . Idhāti imasmiṃ sikkhāpade ,‘‘ nāsetū ’’ ti pade vā . Kaṇṭakasikkhāpadavaṇṇanā niṭṭhitā . Samatto vaṇṇanākkamena sappāṇakavaggo sattamo . 8. Sahadhammikavaggo 1. Sahadhammikasikkhāpadavaṇṇanā

Tatthāti purimavacanāpekkhaṃ ,‘‘ evañca pana bhikkhave ’’ ti ādivacaneti attho .

Pireti āmantanapadaṃ parasaddena samānatthanti āha ‘‘ parā ’’ ti . ‘‘ Amhākaṃ anajjhattikabhūta ’’ iti vā ‘‘ amhākaṃ paccanīkabhūta ’’ iti vā attho daṭṭhabbo . ‘‘ Amāmaka ’’ itipadena ‘‘ para ’’ itipadassa adhippāyatthaṃ dasseti . Amhe namamāyaka , amhehi vā namamāyitabba iti attho . ‘‘ Amhāmaka ’’ itipi hakārayutto pāṭho . Amhehi āmakaitiV1.96 attho .

428. Dasame pireti nipātapadaṃ . Sambodhane vattamānaṃ para-saddena samānatthaṃ vadantīti āha ‘‘ para amāmakā ’’ ti , amhākaṃ anajjhattikabhūtāti attho . Pireti vā ‘‘ parato ’’ ti iminā samānatthaṃ nipātapadaṃ , tasmā cara pireti parato gaccha , mā idha tiṭṭhāti evampettha attho veditabbo .

Yatthāti yasmiṃ ṭhāne . Teti upayogatthe sāmivacanaṃ , tantiM0.114 attho . Tava rūpasadde vāti sambandho . Na passāmāti na passāma , na suṇāma .

Sesamettha purimasikkhāpadadvaye vuttanayameva . Kaṇṭakasikkhāpadavaṇṇanā niṭṭhitā . Niṭṭhito sappāṇakavaggo sattamo . 8. Sahadhammikavaggo 1. Sahadhammikasikkhāpadavaṇṇanā Kaṇṭakasikkhāpadavaṇṇanā niṭṭhitā . Niṭṭhito sappāṇakavaggo sattamo . 8. Sahadhammikavaggo 1. Sahadhammikasikkhāpadavaṇṇanā

429. Tenāti sāmaṇerena . ‘‘ Kārāpeyyā ’’ ti pade kāritakammanti .

Dasamaṃ .

Sappāṇakavaggo sattamo .