Ussaṅkhapādādilakkhaṇavaṇṇanā
212.‘‘ Atthūpasaṃhitan ’’ ti iminā vaṭṭanissitā dhammakathā vuttāti āha ‘‘ idhalokaparalokatthanissitan ’’ ti .
‘‘ Dhammūpasaṃhitan ’’ ti iminā vivaṭṭanissitā , tasmā dasakusalakammapathā vivaṭṭasannissayā veditabbā .
Nidaṃsesīti sandassesi te dhamme paccakkhe katvā pakāsesi .
Nidaṃsanakathan ti pākaṭakaraṇakathaṃ .
Jeṭṭhaṭṭhena aggo , pāsaṃsaṭṭhena seṭṭho , pamukhaṭṭhena pāmokkho , padhānaṭṭhena uttamo , hitasukhatthikehi pakārato varaṇīyato rajanīyato pavaroti evaṃ atthavisesavācīnampi ‘‘ aggo ’’ tiādīnaṃ padānaṃ bhāvatthassa bhedābhāvato ‘‘ sabbāni aññamaññavevacanānī ’’ ti āha .
Uddhaṅgamanīyāti
M3.112 suṇantānaṃ uparūpari visesaṃ gamentīti uddhaṅgamanīyā .Saṅkhāya adho piṭṭhipādasamīpe eva patiṭṭhitattā adhosaṅkhā pādā etassāti adhosaṅkhapādo .
Saṅkhāti ca gopphakānamidaṃ nāmaṃ .
213. Dhammadānayaññan ti dhammadānasaṅkhātaṃ yaññaṃ .
Suṭṭhu
V3.101 saṇṭhitāti sammadeva saṇṭhitā .Piṭṭhipādassa upari pakatiaṅgulena caturaṅgule jaṅghāpadese nigūḷhā apaññāyamānarūpā hutvā ṭhitāti attho .