Chaapāyamukhādivaṇṇanā
247. Pūve bhājane pakkhipitvā tajjaṃ udakaṃ datvā madditvā katā
P3.168 pūvasurā .
Evaṃ sesasurāpi .
Kiṇṇāti pana tassā surāya bījaṃ vuccati , ye ‘‘ surāmodakā ’’ tipi vuccanti , te pakkhipitvā katā kiṇṇapakkhittā .
Harītakīsāsapādinānāsambhārehi saṃyojitā sambhārasaṃyuttā .Madhukatālanāḷikerādipuppharaso cirapārivāsiko pupphāsavo .
Panasādiphalaraso phalāsavo .
Muddikāraso madhvāsavo .
Ucchuraso guḷāsavo .
Harītakāmalakakaṭukabhaṇḍādinānāsambhārānaṃ raso cirapārivāsiko sambhārasaṃyutto .
Taṃ sabbampīti taṃ sabbaṃ dasavidhampi .
Madakaraṇavasena
M3.131 majjaṃ pivantaṃ madayatīti katvā .Surāmerayamajje pamādaṭṭhānaṃ surāmerayamajjapamādaṭṭhānaṃ .
Anu anu yogoti punappunaṃ taṃsamaṅgitā .
Tenāha ‘‘ punappunaṃ karaṇan ’’ ti , aparāparaṃ pavattananti attho .
Uppannā ceva bhogā parihāyanti pānabyasanena byasanakaraṇato .
Anuppannā ca nuppajjanti pamattassa kammantesu ñāyakaraṇābhāvato .
Bhogānan ti bhuñjitabbaṭṭhena
V3.118 ‘‘ bhogā ’’ ti laddhanāmānaṃ kāmaguṇānaṃ .
Apāyamukha-saddassa attho heṭṭhā vutto eva .Avelāyāti ayuttavelāya .
Yadā vicarato attharakkhādayo na honti .
Visikhāsu cariyāti racchāsu vicaraṇaṃ .
Samajjā vuccati maho , yattha naccānipi payojīyanti , tesaṃ dassanādiatthaṃ tattha abhirativasena caraṇaṃ upagamanaṃ samajjābhicaraṇaṃ .
Naccādidassanavasenāti naccādīnaṃ dassanādivasenāti ādisaddalopo daṭṭhabbo , dassanena vā savanampi gahitaṃ virūpekasesanayena .
Ālocanasabhāvatāya vā pañcaviññāṇānaṃ savanakiriyāyapi dassanasaṅkhepasambhavato ‘‘ dassanavasena ’’ icceva vuttaṃ .
Idha
P3.169 cittālasiyatā akāraṇanti ‘‘ kāyālasiyatā ’’ ti vuttaṃ .
Yuttappayuttatāti tappasutatā atirekataratāya .