1-10.Asubhasuttādivaṇṇanā
248-257.
Anabhiratin ti anabhiramaṇaṃ anapekkhitaṃ .
Accantanirodhabhūte nibbāne pavattasaññā nirodhasaññā .
Tattha sā maggasahagatā lokuttarā
M2.449 , yā pana nibbāne ninnabhāvena pavattā , upasamānussatisahagatā ca , sā lokiyāti āha –‘‘ nirodhasaññā missakā ’’ ti .
‘‘ Tesaṃ navasū ’’ tiādi pamādapāṭho .
‘‘ Ekādasasu appanā hoti , nava upacārajjhānikā ’’ ti pāṭho gahetabbo .
Vīsati kammaṭṭhānānīti idampi idhāgatanayo , na visuddhimaggādīsu āgatanayo
V2.155 .Ettha ca ārammaṇādīsu yathāyogaṃ appanaṃ upacāraṃ vā pāpuṇitvā arahattappattassa pubbabhāgabhūtā vipassanāmaggabojjhaṅgā kathitā .
Nirodhavaggavaṇṇanā niṭṭhitā .
Bojjhaṅgasaṃyuttavaṇṇanā niṭṭhitā .