8. Sūdasuttavaṇṇanā
374. Āhārasampādanena
V2.174 taṃtaṃāhāravatthugate sūdeti paggharetīti sūdo , bhattakārako .Daharehi manāpataraṃ accetabbato atikkamitabbato accayā , bhojane rasavisesā , tasmā nānaccayehīti nānappakārarasavisesehīti attho .
Tena vuttaṃ ‘‘ nānaccayehī ’’ tiādi .
Aggīyati asaṅkarato vibhajīyatīti aggo , ambilameva aggo ambilaggoti āha –
‘‘ ambilaggehīti ambilakoṭṭhāsehī ’’ ti .
Dātuṃ abhiharitabbatāya abhihārā , deyyadhammā .
Tenāha –
‘‘ abhihaṭānaṃ dāyānan ’’ ti .
Idaṃ me kammaṭṭhānaṃ anulomaṃvāti idaṃ mama kammaṭṭhānaṃ evaṃ pavattamānaṃ anulomāvasānameva hutvā tiṭṭhati .
Evaṃ puna pavattamānaṃ
M2.471 ussakkitvā visesanibbattanatthameva hotīti evaṃ nimittaṃ gahetuṃ na sakkoti bālo abyatto , paṇḍito pana sakkoti .Attano cittassāti attano bhāvanācittassa .
Pubbabhāgavipassanā satipaṭṭhānāva kathitā ‘‘ sakassa cittassa nimittaṃ uggaṇhātī ’’ ti vuttattā .