6. Paṭhamamittāmaccasuttavaṇṇanā
1012. Vohāramittāti
V2.234 taṃtaṃdānaggahaṇavasena vohārakā mittā .Āmantanapaṭimantanairiyāpathādīsupīti ālāpasallāpagamananisajjādiatthasaṃvidhānādīsu
M2.533 .Ekato pavattakiccāti saha pavattakattabbā .
Amā saha bhavantīti amaccā .
‘‘ Amhākaṃ ime ’’ ti ñāyantīti ñātī , āvāhavivāhasambaddhā .
Tenāha ‘‘ sassusasurapakkhikā ’’ ti .
Yonisambandhā vā sālohitā .
Tenāha ‘‘ bhātibhaginimātulādayo ’’ ti .