6. Paṭhamavibhaṅgasuttavaṇṇanā
506. Kāyikan ti ayamassa nissayavasena niddesoti āha –
‘‘ kāyapasādavatthukan ’’ ti .
Sarūpaniddeso sukhaṃ sukhindriyassa sarūpanti .
Sādanīyaṭṭhena dhammapadāni attani assādayatīti sātaṃ , madhuraṃ .
Vedayitan ti vediyanaṃ , anubhavananti attho .
Aññadhammavisiṭṭhoti phassādīhi aññehi dhammehi visadiso .
Kāyikan ti pasādakāyasannissitaṃ .
Cetasikan ti cetosannissitaṃ , tena vuttaṃ ‘‘ ettha panā ’’ tiādi .
Kāyapasāda … pe … natthi , tasmā ‘‘ cattāro pasādakāye vatthuṃ katvā ’’ ti vuttaṃ .