Apattakādivatthukathāvaṇṇanā
118. Apattacīvaraṃ
M0.435 upasampādentīti kammavācācariyo ‘‘ paripuṇṇassa pattacīvaran ’’ ti saññāyaV0.398 , kevalaṃ atthasampattiṃ anapekkhitvā santapadanihārena vā ‘‘ paripuṇṇassa pattacīvaran ’’ ti kammavācaṃ sāveti .Yathā etarahi matavippavutthamātāpitikopi ‘‘ anuññātosi mātāpitūhī ’’ ti puṭṭho ‘‘ āma bhante ’’ ti vadati .
Kiṃ bahunā , ayaṃ panettha sāro –
‘‘ tasmiṃ samaye cattāri kammāni pañcahākārehi vipajjantī ’’ ti lakkhaṇassa na tāva paññattattā anupajjhāyakādiṃ upasampādenti , vajjanīyapuggalānaṃ avuttattā paṇḍakupajjhāyādiṃ upasampādenti .
Terasantarāyapucchāya adassanattā apattacīvarakaṃ upasampādenti .
‘‘ Anujānāmi , bhikkhave , ñatticatutthena kammena upasampādetun ’’ ti ( mahāva .69) evaṃ sabbapaṭhamaṃ anuññātakammavācāya ‘‘ paripuṇṇassa pattacīvaran ’’ ti avacanamettha sādhakanti veditabbaṃ .
Tañhi vacanaṃ anukkamenānuññātanti .