227. Kaṃsatāḷādi tāḷaṃ avacarati etthāti ‘‘ tāḷāvacaran ’’ ti vuccati ātatāditūriyabhaṇḍaṃ . Tenāha ‘‘ sabbaṃ tūriyabhaṇḍan ’’ ti .

DakkhiṇadisābhāgenevātiV2.169M2.188 aññena disābhāgena anāharitvā yamakasālānaṃ ṭhānato dakkhiṇadisābhāgeneva , tatopi dakkhiṇadisābhāgaṃ haritvā netvā .

Jetavanasadiseti sāvatthiyā jetavanasadise ṭhāne ,‘‘ jetavanasadise ṭhāne ’’ tipi pāṭho .

228. PasādhanamaṅgalasālāyātiP2.241 abhisekakāle alaṅkaraṇamaṅgalasālāya .

229. Devadāniyoti tassa corassa nāmaṃ .