၂၅။ ဘိက္ခဝေ၊ တို့။ သဗ္ဗံ၊ အလုံးစုံသောတရားကို။ အဘိညာ(အဘိညာယ)၊ ထူးသောဉာဏ်ဖြင့် သိ၍။ ပရိညာ(ပရိညာယ)၊ ပိုင်းခြားသိ၍။ ပဟာနာယ၊ ပယ်ခြင်းအကျိုးငှါ။ ဝေါ၊ သင်တို့အား။ (အဟံ၊ ငါဘုရားသည်။) ဓမ္မံ၊ တရားကို။ ဒေသေဿာမိ၊ ဟောတော်မူပေအံ့။

တံ၊ ထိုတရားကို။ (တုမှေ၊ သင်တို့သည်။) သုဏာထ၊ နာကြကုန်လော့။

ဘိက္ခဝေ၊ တို့။ သဗ္ဗံ၊ အလုံးစုံသောတရားကို။ အဘိညာ၊ ၍။ ပရိညာ၊ ၍။ ပဟာနာယ၊ ငှာ။ ဓမ္မော၊ (ဟောတော်မူအပ်သော) တရားဟူသည်။

ကတမောစ၊ အဘယ်ပါနည်း။ ဘိက္ခဝေ၊ တို့။ စက္ခုံ၊ စက္ခုပသာဒကို။ အဘိညာ၊ ၍။ ပရိညာ၊ ၍။ ပဟာတဗ္ဗာ၊ ပယ်အပ်၏။ ရူပါ၊ ရူပါရုံတို့ကို။ (အဘိညာ ပရိညာ ပေးမြဲ) ပဟာတဗ္ဗာ၊ ကုန်၏။ စက္ခုဝိညာဏံ၊ စက္ခုဝိဉာဏ်ကို။ ပ။ ပဟာတဗ္ဗံ၊ အပ်၏။

စက္ခုသမ္ဖဿော၊ စက္ခုသမ္ဖဿကို။ ပ။ ပဟာတဗ္ဗော၊ အပ်၏။ ပ။ ဘိက္ခဝေ၊ တို့။ အယံ၊ ဤဆိုအပ်ပြီးသည်ကား။ သဗ္ဗံ၊ ကို။ အဘိညာ၊ ၍။ ပရိညာ၊ ၍။ ပဟာနာယ၊ ငှာ။ ဓမ္မော၊ (ဟောတော်မူအပ်သော)တရားမည်၏။ ဣတိ၊ ၏။

တတိယံ၊ သုံးခုမြောက်သောသုတ်တည်း။