Icchāniddesavaṇṇanā
201. Taṃ
M0.73 kālan ti cuticittanirodhato uddhaṃ kālaṃ .‘‘ Yampī ’’ ti yaṃ -saddo karaṇatthe paccattanti yenapīti attho vutto .
‘‘ Yaṃ icchan ’’ ti yaṃ -saddo yadā icchāpekkho , tadā ‘‘ na labhatī ’’ ti ettha alābhapadhānābhāvato icchā visesīyatīti āha ‘‘ alābhavisiṭṭhā icchā vuttā hotī ’’ ti .
‘‘ Icchaṃ na labhati yan ’’ ti evaṃ kiriyāparāmasanabhūto yaṃ -saddo yadā ‘‘ na labhatī ’’ ti etaṃ apekkhati , tattha guṇabhūtā icchā , padhānabhūto alābhoti āha ‘‘ tadā icchāvisiṭṭho alābho vutto hotī ’’ ti .
Hirottapparahitā chinnikā , dhuttikāti vuccantīti āha ‘‘ chinnabhinnagaṇenāti nillajjena dhuttagaṇenā ’’ ti .
Kappaṭikā sibbitapilotikadhārino .
Alabbhaneyyaicchan ti alabbhaneyyavatthusmiṃ icchaṃ .