Catusampajaññapabbavaṇṇanā
376. Evaṃ iriyāpathavasena kāyānupassanaṃ vibhajitvā idāni catusampajaññavasena vibhajituṃ puna caparan tiādimāha
P3.769 .
Tattha abhikkantetiādīni sāmaññaphale vaṇṇitāni .Iti ajjhattaṃ vāti evaṃ catusampajaññapariggaṇhanena attano vā kāye , parassa vā kāye , kālena vā attano , kālena vā parassa kāye kāyānupassī viharati .
Idhāpi samudayavayadhammānupassītiādīsu
V2.323 rūpakkhandhasseva samudayo ca vayo ca nīharitabbo .
Sesaṃ vuttasadisameva .
Idha catusampajaññapariggāhikā sati dukkhasaccaṃ , tassā samuṭṭhāpikā purimataṇhā samudayasaccaṃ , ubhinnaṃ appavatti nirodhasaccaṃ , vuttappakāro ariyamaggo maggasaccaṃ .
Evaṃ catusaccavasena ussakkitvā nibbutiṃ pāpuṇātīti idamekassa catusampajaññapariggāhakassa bhikkhuno vasena yāva arahattā niyyānamukhanti .Catusampajaññapabbaṃ niṭṭhitaṃ .