430. Haritakapaṇṇan tiP3.812 yaṃ kiñci haritakaṃ , antamaso allatiṇapaṇṇampi na hotīti attho .

Sannaddhakalāpan ti sannaddhadhanukalāpaṃ .

Āsittodakāni vaṭumānīti paripuṇṇasalilā maggā ca kandarā ca .

Yoggānīti balibadde .

Bahunikkhantaroti bahunikkhanto ciranikkhantoti attho .

Yathābhatena bhaṇḍenāti yaṃ vo tiṇakaṭṭhodakabhaṇḍakaṃ āropitaṃ , tena yathābhatena yathāropitena , yathāgahitenāti attho .

Appasārānīti appagghāni . Paṇiyānīti bhaṇḍāni .

Gūthabhārikādiupamāvaṇṇanā