428. Aggikoti aggiparicārako .

Āpādeyyan ti nipphādeyyaṃ , āyuṃ vā pāpuṇāpeyyaṃ . Poseyyan ti bhojanādīhi bhareyyaṃ . Vaḍḍheyyan ti vaḍḍhiṃ gameyyaṃ .

Araṇīsahitan ti araṇīyugaḷaṃ .

429. Tirorājānopīti tiroraṭṭhe aññasmimpi janapade rājāno jānanti .

Abyattoti avisado acheko .

Kopenapīti ye maṃ evaṃ vakkhanti , tesu uppajjanakena kopenapi etaṃ diṭṭhigataṃ harissāmi pariharissāmīti gahetvā vicarissāmi . Makkhenāti tayā vuttayuttakāraṇamakkhalakkhaṇena makkhenāpi . Palāsenāti tayā saddhiṃ yugaggāhalakkhaṇena palāsenāpi .