Asesavatthuvisayamissaka
216.
Candikā
M0.220 mandahāsā te , muninda vadaninduno ;Pabodhayatya ’ yaṃ sādhu-manokumudakānanaṃ .
216.‘‘ Candikā ’’ iccādi .
‘‘ Muninda ’’ iccāmantanaṃ , te vadanameva indu vadaninduno iti samāsarūpakaṃ , ayaṃ mandahāsā candikā candakantiyo , asamāsarūpakaṃ .
Sādhūnaṃ manāniyeva kumudāni keravāni , samāsarūpakaṃ .
Tesaṃ kānanaṃ vanaṃ , pabodhayati vikāsayatīti idaṃ samāsāsamāsarūpakaṃ .
216.‘‘ Candi ’’ ccādi .
He munindate tuyhaṃ vadaninduno mukhacandassa mandahāsā mandamihitabhūtā candikā candakantiyo ,‘‘ ayan ’’ ti jātyekavacanena mandahāsacandikā niddiṭṭhā .
Atha vā ayaṃ vadanindu .
Sādhumanokumudakānanaṃ sappurisānaṃ cittasaṅkhātakeravakānanaṃ pabodhayati vikāsayati .
‘‘ Candikā mandahāsā ’’ ti asamāsarūpakaṃ .
‘‘ Vadaninduno ’’ ti ca ‘‘ manokumudakānanan ’’ ti ca samāsarūpakaṃ .
Tasmā idaṃ asesavatthuvisayasamāsāsamāsarūpakaṃ .
Mandā ca te hāsā cāti ca , vadanameva indūti ca , sādhūnaṃ manānīti ca , tāniyeva kumudānīti ca , tesaṃ kānanamiti ca viggaho .
217.
Asesavatthuvisaye , pabhedo rūpake ayaṃ ;
Ekadesavivattimhi , bhedo dāni pavuccati .
217. Nigamayati ‘‘ asesi ’’ ccādinā .
Dutiyassa pabhedaṃ vattuṃ paṭijānāti ‘‘ eki ’’ ccādinā .
217.‘‘ Asese ’’ ccādi .
Asesavatthuvisaye rūpake ayaṃ ‘‘ aṅgulīdalasaṃsobhiṃ ’’ iccādikaṃ udāharaṇattayaṃ pabhedo hoti .
Idāni ekadesavivattimhi rūpake bhedo viseso pavuccati .