Atthāvutti
225.
Mano harati sabbesaṃ , ādadāti disā dasa ;
Gaṇhāti nimmalattañca , yasorāsi jinassa ’ yaṃ .
225. Udāharati ‘‘ mano ’’ iccādi .
Jinassa ayaṃ yasorāsi sabbesaṃ janānaṃ mano cittaṃ harati , dasa disā ādadāti sabbadā [ sabbadhā ( ka .)] taṃvisayattā , nimmalattaṃ nimmalabhāvaṃ gaṇhāti , ettha gahaṇalakkhaṇassa [ dasagahaṇalakkhaṇassa ( ka .)] atthassa anekehi pariyāyavacanehi āvattitattā ayaṃ atthāvutti .
225. Udāharati
M0.226 ‘‘ mano harati ’’ ccādinā .Jinassa ayaṃ yasorāsi sabbesaṃ sattānaṃ mano cittaṃ harati gaṇhāti , dasa disā ādadāti avisayaṭṭhānābhāvato gaṇhāti , nimmalattañca bhūtaparisuddhaguṇena nipphannattā gaṇhāti .
Ettha ‘‘ gaṇhātī ’’ ti ekassevatthassa ‘‘ harati , ādadāti , gaṇhātī ’’ ti aññehi pariyāyavacanehi āvattitattā ayamatthāvutti nāma .
Niggato malehīti ca , tassa bhāvoti ca , yasaso rāsiiti ca viggaho .