Gammaekabyatireka
247.
Na santāpāpahaṃ nevi-cchitadaṃ migalocanaṃ ;
Muninda nayanadvandaṃ , tava tagguṇabhūsitaṃ .
247.‘‘ Ni ’’ ccādi .
Migassa locanaṃ santāpaṃ kilesapariḷāhaṃ apahanati hiṃsatīti santāpāpahaṃ na bhavati .
Neva icchitaṃ saggamokkhasampattiṃ dadātīti nevicchitadaṃ .
Muninda tava nayanānaṃ dvandaṃ yugaḷaṃ tu tehi yathāvuttehi santāpāpahattaicchitadatta guṇehi bhūsita malaṅkataṃ .
Ettha pana migalocananayanānaṃ dīghattādinā sadisattaṃ patīyate .
Gamme sadisatte ekabyatirekoyaṃ vuttanayena .
247.‘‘ Na santā ’’ iccādi .
Migalocanaṃ migapotakacakkhuyugaḷaṃ santāpāpahaṃ kilesasantāpāpahaṃ na hoti .
Icchitadaṃ lokehi patthitalokiyalokuttaratthānaṃ dāyakaṃ
M0.243 na hoti .He muninda tava nayanadvandaṃ pana tagguṇabhūsitaṃ janasantāpāpahānādiyathāvuttaguṇehi sobhitaṃ hoti , iha santāpāpahananādīnaṃ paṭisedhadvārena upamānopameyyabhūtaubhayalocanasaṅkhātavatthūnaṃ dīghaputhulatādisadisadhammaṃ sāmatthiyena pakāsetvā aparaddhena santāpāpahananādiguṇahetu jinanayanānaṃ visuṃ katattā sadisatte gammamāne ayamekabyatireko nāma .
Santāpaṃ apahanati hiṃ satīti ca , icchitaṃ dadātīti ca , te ca te guṇā cāti ca , tehi bhūsitanti ca vākyaṃ .