Sāttikabhāvaadhippāya
345.
Samāhitattappabhavaṃ , sattaṃ teno ’ papāditā ;
Sāttikā ’ pya ’ nubhāvatte , visuṃ bhāvābhavanti te .
345. Sāttike vadati ‘‘ samāhite ’’ ccādinā .
Samāhito ekaggatābhāvāpādanena katasamādhāno attā cittaṃ tato pabhavaṃ uppannaṃ yaṃ , taṃ sattaṃ nāma .
Tena sattena upapāditā nibbattitā thambhādayo sāttikā vuccante .
Te ca puna anubhāvāpi bhavanti thambhādibhāvasaṃsūcanasabhāvavikārarūpattā .
Tañca ‘‘ cittavuttivisesattā ’’ iccādinā vakkhati .
M0.335 Tenāha ‘‘ anubhāvattepī ’’ ti .Evaṃ satyapi te sāttikā visuṃ puthageva bhāvā bhavanti , vuttanayena cittabhavattavirūpattā tesanti .
345. Idāni uddesakkamenādhigatakevalabhāvasaṅkhātaṃ sāttikābhāvaṃ dasseti ‘‘ samāhita ’’ iccādinā .
Samāhitattappabhavaṃ ekaggatābhāvāpādanena katasamādhānacittato sambhūtaṃ sattaṃ nāma hoti .
Tena lābhālābhādīsu ekākārassa hetunā thirabhāvena upapāditā nipphāditā thambhādayo sāttikā nāma bhavanti .
Te sāttikā anubhāvattepi cittākārasaṅkhātathambhādipakāsanasabhāvavikārasarūpattā attano anubhāvatte satipi visuṃ bhāvā bhavanti yathāvutta ‘‘ cittavuttivisesā tu , bhāvayanti rase yato ’’ tiādinā bhāvā nāma hontīti .
Ime sāttikābhāvānubhāvavasena duvidhā honti .
Samāhito ca so attā ceti ca , tato pabhavamiti ca , santo upasanto ca so attā ceti ca , sattato bhavantīti ca , sattena uppāditāti ca , anubhāvānaṃ bhāvoti ca vākyaṃ .
Apīti anuggahatthe nipāto .