Sambahulavāravaṇṇanā
Kāmañcāyaṃ
M2.15 pāḷiyaṃ anāgato , aṭṭhakathāsu āgatattā pana ānetvāP2.18 dīpetabboti taṃ dīpento ‘‘ sabbabodhisattānañhī ’’ tiādimāha .Kulavaṃso kulānukkamo .
Paveṇīti paramparā .
‘‘ Kasmā ’’ ti puttuppattiyā kāraṇaṃ pucchitvā taṃ vissajjento ‘‘ sabbaññubodhisattānañhī ’’ tiādimāha , tena tesaṃ jātanagarādi paññāyamānaṃ ekaṃsato manussabhāvasañjānanatthaṃ icchitabbaṃ , aññathā yathādhippetabuddhakiccasiddhi eva na siyāti dasseti , yato mahāsattānaṃ carimabhave manussaloke eva pātubhāvo , na aññattha .