1. Nikkhantasuttavaṇṇanā
209. Āḷaviyan ti
V1.247M1.282 āḷavinagarasamīpe .
Aggacetiyeti gotamakacetiyādīhi uttamacetiye .
Taṃ kira bhūmirāmaṇeyyakabhāvena manuññatāya padhānayuttatādisampattiyā ca itaracetiyehi seṭṭhasammataṃ .Kappattherenāti ‘‘ kappo ’’ ti gottato āgatanāmo thero , sahassapurāṇajaṭilānaṃ abbhantare ayaṃ mahāthero .
Ohīnakoti theresu gāmaṃ piṇḍāya paviṭṭhesu vihāre eva avahīnako ṭhito .
Tattha kāraṇamāha ‘‘ vihārapālo ’’ tiādi .
Samalaṅkaritvāti samaṃ alaṅkārena alaṅkaritvā .
Kusalacittaṃ viddhaṃseti pavattituṃ appadānavasena .
Etasmin ti etasmiṃ rāge uppanne .
‘‘ Ekasmin ’’ ti vā pāṭho , ekasmiṃ visabhāgavatthuke rāge uppanne .
Yena kāraṇena paro anabhiratiṃ vinodetvā idāneva abhiratiṃ uppādeyya , taṃ kāraṇaṃ kuto labbhāti yojanā , taṃ kāraṇaṃ natthīti attho , tassa abhāvakāraṇavacanaṃ .
Dhammo vāti mama citte uppajjanakato añño dhammo vā .
Anagāriyan ti agāravirahato anagāraṃ pabbajjā .
Tattha niyuttattā anagāriyaṃ ka-kārassa ya-kāraṃ katvā , pabbajitanti attho .
Ādhāvantīti hadayaṃ abhibhavitvā dhāvanti .
Uggatānan ti uḷārānaṃ puttā .
Tenāha ‘‘ mahesakkhā rājaññabhūtā ’’ ti .
Uttamappamāṇan ti sahassapalaṃ samantāti samantato .
Uttamappamāṇan ti sahassapalaṃ samantāti samantato .
Parikireyyun ti vijjheyyuṃ .
Etasmā sahassāti yathāvuttā dhanuggahasahassato .
Atirekatarā anekasahassā .
Itthiyo olokanasitalapitaroditasare khipantiyo .
Neva maṃ byādhayissanti neva maṃ nijjhāyissanti .
‘‘ Byādhayissatī ’’ ti pāṭhoti vuttaṃ ‘‘ cāletuṃ na sakkhissatīti attho ’’ ti .
Dhamme samhīti sake santike patiṭṭhite sāsanadhamme .
Tenāha ‘‘ anabhiratiṃ vinodetvā ’’ tiādi .
Maggan ti ‘‘ maggo ’’ ti vattabbe liṅgavipallāsena vuttaṃ .
Tenāha ‘‘ so hi nibbānassa pubbabhāgamagggo ’’ ti .
Nikkhantasuttavaṇṇanā niṭṭhitā .