7. Issariyasuttavaṇṇanā
77. Satthassa malanti satthamalaṃ , yena satthaṃ malīnaṃ hoti , satthamalaggahaṇena cettha malīnaṃ satthameva gahitanti āha ‘‘ malaggahitasatthan ’’ ti .
Nanu haraṇaṃ samaṇassa ayuttanti ?
Yuttaṃ .
Tassa anvayato byatirekato ca yuttataṃ dassento ‘‘ salākabhattādīnī ’’ tiādimāha .
Āṇāpavattanan ti appake vā mahante vā yattha katthaci attano āṇāya pavattanavasena vasanaṃ issariyattamicchanti .
Maṇiratanampi vissajjanīyapakkhikattā uttamaṃ bhaṇḍaṃ nāma na hoti , itthī pana pariccattakulācāritthikāyapi anissajjanīyatāya uttamabhaṇḍaṃ nāma .
Tenāha ‘‘ itthī bhaṇḍānamuttaman ’’ ti .
Tesaṃ tesañhi purisājānīyānaṃ uppattiṭṭhānatāya uttamaratanākarattā itthī bhaṇḍānamuttamaṃ .
Malaggahitasatthasadiso avabodhakiccavibandhanato .
Satthamalaṃ viya satthassa paññāsatthassa guṇābhāvakaraṇato paññāsatthamalaṃ
V1.123 .Abbu vuccati upaddavaṃ , taṃ detīti abbudaṃ , vināsakāraṇaṃ .
Issariyasuttavaṇṇanā niṭṭhitā .