8. Hirīsuttavaṇṇanā
18. Idāni
M1.19 tasseva avicāraṇassa ekantakāraṇaṃ niddhārento ‘‘ majjhe visuddhimaggo ’’ tiādimāha .
Tattha ‘‘ majjhe ṭhatvā ’’ ti etena majjhaṭṭhabhāvadīpanena visesato catunnaṃ āgamānaṃ sādhāraṇaṭṭhakathā visuddhimaggo , na sumaṅgalavilāsiniādayo viya asādhāraṇaṭṭhakathāti dasseti .
‘‘ Visesato ’’ ti ca idaṃ vinayābhidhammānampi visuddhimaggo yathārahaṃ atthavaṇṇanā hoti evāti katvā vuttaṃ .
18. Nisedhetīti nivāreti pavattituṃ na deti .Pucchati devatā .
Apaharantoti apanento , yathā sabbena sabbaṃ akkosavatthu na hoti , evaṃ pariharantoti attho .
Bujjhati sārathividhaṃ .
Attani nipātaṃ na deti , ājānīyo hi yuttaṃ pajānāti .
Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato .
Tenāha bhagavā –
‘‘ Nindanti tuṇhimāsīnaṃ , nindanti bahubhāṇinaṃ ;
Mitabhāṇimpi nindanti , natthi loke anindito ’’ ti .( dha . pa .227);
Tanuyāti vā katipayā .
Tenāha ‘‘ appakā ’’ ti .
Sadā satāti hirinisedhabhāve kāraṇavacanaṃ .
Pappuyyāti patvā adhigantvā .
Vānato nikkhantattā nibbānaṃ , asaṅkhatadhātu .
Hirīsuttavaṇṇanā niṭṭhitā .