Domanassaniddesavaṇṇanā
547. Manovighātarasan ti
V2.189 byāpādasampayogavasena manaso vihaññanakiccaṃ .Cetodukkhasamappitāti cetasikadukkhasamaṅgino .
Āvaṭṭantīti āmukhaṃ vaṭṭanti , yaṃdisābhimukhaṃ patitā , taṃdisābhimukhā eva vaṭṭanti .
Vivaṭṭantīti viparivattanavasena vaṭṭanti .
Uddhaṃpādaṃ papatantīti uddhaṃmukhapādā hutvā patanti .
Satthaṃ āharantīti attano sarīrassa vijjhanabhedanavasena satthaṃ upanenti .
Iti domanassaniddesavaṇṇanā .