10. Vaṇṇabhaṇanapañho
10.‘‘ Bhante
M0.182 nāgasena , bhāsitampetaṃ bhagavatā ‘ mamaṃ vā , bhikkhave , pare vaṇṇaṃ bhāseyyuṃ , dhammassa vā , saṅghassa vā vaṇṇaṃ bhāseyyuṃ , tatra tumhehi na ānando , na somanassaṃ , naV0.178 cetaso uppilāvitattaṃ karaṇīyan ’ ti puna ca tathāgato selassa brāhmaṇassa yathābhucce vaṇṇe bhaññamāne ānandito sumano uppilāvito bhiyyo uttariṃ sakaguṇaṃ pakittesi –‘‘‘ Rājāhamasmi selāti , dhammarājā anuttaro ;
Dhammena cakkaṃ vattemi , cakkaṃ appaṭivattiyan ’ ti [ ma . ni .2.399].
‘‘ Yadi , bhante nāgasena , bhagavatā bhaṇitaṃ ‘ mamaṃ vā , bhikkhave , pare vaṇṇaṃ bhāseyyuṃ , dhammassa vā saṅghassa vā vaṇṇaṃ bhāseyyuṃ , tatra tumhehi na ānando , na somanassaṃ , na cetaso uppilāvitattaṃ karaṇīyan ’ ti , tena hi selassa brāhmaṇassa yathābhucce vaṇṇe bhaññamāne ānandito sumano uppilāvito bhiyyo uttariṃ sakaguṇaṃ pakittesīti yaṃ vacanaṃ , taṃ micchā .
Yadi selassa brāhmaṇassa yathābhucce vaṇṇe bhaññamāne ānandito sumano uppilāvito bhiyyo uttariṃ sakaguṇaṃ pakittesi , tena hi ‘ mamaṃ vā , bhikkhave , pare vaṇṇaṃ bhāseyyuṃ , dhammassa vā saṅghassa vā vaṇṇaṃ bhāseyyuṃ , tatra tumhehi na ānando , na somanassaṃ , na cetaso uppilāvitattaṃ karaṇīyan ’ ti tampi vacanaṃ micchā .
Ayampi ubhato koṭiko pañho tavānuppatto , so tayā nibbāhitabbo ’’ ti .
‘‘ Bhāsitampetaṃ
P0.184 , mahārāja , bhagavatā ‘ mamaṃ vā , bhikkhave , pare vaṇṇaṃ bhāseyyuṃ , dhammassa vā saṅghassa vā vaṇṇaṃ bhāseyyuṃ , tatra tumhehi na ānando , na somanassaṃ , na cetaso uppilāvitattaṃ karaṇīyan ’ ti .Selassa ca brāhmaṇassa yathābhucce vaṇṇe bhaññamāne bhiyyo uttariṃ sakaguṇaṃ pakittitaṃ –
‘‘‘ Rājāhamasmi selāti , dhammarājā anuttaro ;
Dhammena cakkaṃ vattemi , cakkaṃ appaṭivattiyan ’ ti .
‘‘ Paṭhamaṃ , mahārāja , bhagavatā dhammassa sabhāvasarasalakkhaṇaṃ sabhāvaṃ avitathaṃ bhūtaṃ tacchaṃ tathatthaṃ paridīpayamānena bhaṇitaṃ ‘ mamaṃ vā bhikkhave , pare
M0.183 vaṇṇaṃ bhāseyyuṃ , dhammassa vā saṅghassa vā vaṇṇaṃ bhāseyyuṃ , tatra tumhehi na ānando , na somanassaṃ , na cetaso uppilāvitattaṃ karaṇīyan ’ ti .Yaṃ pana bhagavatā selassa brāhmaṇassa yathābhucce vaṇṇe bhaññamāne bhiyyo uttariṃ sakaguṇaṃ pakittitaṃ ‘ rājāhamasmi selāti , dhammarājā anuttaro ’ ti taṃ na lābhahetu , na yasahetu , na attahetu , na pakkhahetu , na antevāsikamyatāya , atha kho anukampāya kāruññena
V0.179 hitavasena evaṃ imassa dhammābhisamayo bhavissati tiṇṇañca māṇavakasatānanti , evaṃ bhiyyo uttariṃ sakaguṇaṃ bhaṇitaṃ ‘ rājāhamasmi selāti , dhammarājā anuttaro ’ ti .‘‘ Sādhu , bhante nāgasena , evametaṃ tathā sampaṭicchāmī ’’ ti .
Vaṇṇabhaṇanapañho dasamo .