3. Koṭipaññāyanapañho

Author： _System_Pali_VRI_ @ Administrator

3. Koṭipaññāyanapañho

3. Rājā āha ‘‘ bhante nāgasena , yaṃ panetaṃ brūsi ‘ purimā koṭi na paññāyatī ’ ti , katamā ca sā purimā koṭī ’’ ti ?

‘‘ Yo kho , mahārāja , atīto addhā , esā purimā koṭī ’’ ti .

‘‘ Bhante nāgasena , yaṃ panetaṃ brūsi ‘ purimā koṭi na paññāyatī ’ ti , kiṃ pana , bhanteV0.52 , sabbāpi purimā koṭi na paññāyatī ’’ ti ?

‘‘ Kāci , mahārāja , paññāyati , kāci na paññāyatī ’’ ti .

‘‘ Katamā , bhante , paññāyati , katamā na paññāyatī ’’ ti ?

‘‘ Ito pubbe , mahārāja , sabbena sabbaṃ sabbathā sabbaṃ avijjā nāhosīti esā purimā koṭi na paññāyati , yaṃ ahutvā sambhoti , hutvā paṭivigacchati , esapa purimā koṭi paññāyatī ’’ tiP0.52 .

‘‘ Bhante nāgasena , yaṃ ahutvā sambhoti , hutvā paṭivigacchati , nanu taṃ ubhato chinnaṃ atthaṃ gacchatī ’’ ti ?

‘‘ Yadi , mahārāja , ubhato chinnaṃ atthaṃ gacchati , ubhatoM0.53 chinnā sakkā vaḍḍhetun ’’ ti ?

‘‘ Āma , sāpi sakkā vaḍḍhetun ’’ ti .

’’ Nāhaṃ , bhante , etaṃ pucchāmi koṭito sakkā vaḍḍhetun ’’ ti ?

‘‘ Āma sakkā vaḍḍhetun ’’ ti .

‘‘ Opammaṃ karohī ’’ ti .

Thero tassa rukkhūpamaṃ akāsi , khandhā ca kevalassa dukkhakkhandhassa bījānī ’’ ti .

‘‘ Kallosi , bhante nāgasenā ’’ ti .

Koṭipaññāyanapañho tatiyo .

Issues

Select Version

Milindapañhapāḷi

Milindapañhapāḷi