7. Vaṃsaṅgapañho
7.‘‘ Bhante
V0.338 nāgasena ,‘ vaṃsassa ekaṃ aṅgaṃ gahetabban ’ ti yaṃ vadesi , katamaṃ taṃ ekaṃ aṅgaṃ gahetabban ’’ ti ?‘‘ Yathā , mahārāja , vaṃso yattha vāto , tattha anulometi , nāññatthamanudhāvati , evameva kho , mahārāja , yoginā yogāvacarena yaṃ buddhena bhagavatā bhāsitaṃ navaṅgaṃ satthu sāsanaṃ , taṃ anulomayitvā kappiye anavajje ṭhatvā samaṇadhammaṃ yeva pariyesitabbaṃ .
Idaṃ , mahārāja , vaṃsassa ekaṃ aṅgaṃ gahetabbaṃ .
Bhāsitampetaṃ mahārāja therena rāhulena –
‘‘‘ Navaṅgaṃ buddhavacanaṃ , anulometvāna sabbadā ;
Kappiye anavajjasmiṃ , ṭhatvāpāyaṃ samuttarin ’’’ ti .
Vaṃsaṅgapañho sattamo .