Brāhmaṇapaññattivaṇṇanā
309. Vighātan ti cittadukkhaṃ .
311-3.
Sujan ti homadabbiṃ paggaṇhantesūti juhanatthaṃ gaṇhanakesu , irubbijjesūti attho .
Paṭhamo vāti tattha sannipatitesu yajanakiriyāyaṃ sabbapadhāno vā .
Dutiyo vāti tadanantaro vā .
‘‘ Sujan ’’ ti karaṇe etaṃ upayogavacananti āha ‘‘ sujāyā ’’ ti .
Aggihuttapamukhatāya yaññassa yaññe diyyamānaṃ sujāmukhena dīyatīti āha ‘‘ sujāya diyyamānan ’’ ti .
Porāṇāti aṭṭhakathācariyā .
Visesatoti vijjācaraṇavisesato , na brāhmaṇehi icchitavijjācaraṇamattato .
Uttamabrāhmaṇassāti anuttaradakkhiṇeyyatāya ukkaṭṭhabrāhmaṇassa .
Brāhmaṇasamayan ti brāhmaṇasiddhantaṃ .
Mā bhindi mā vināsesi .
316. Samasamoti
M1.319 samoyeva hutvā samo .Hīnopamavasenapi samatā vuccatīti taṃ nivattento ‘‘ ṭhapetvā ekadesasamattan ’’ tiādimāha .
Kulakoṭiparidīpanan ti kulaādiparidīpanaṃ athāpi
P1.417 siyāti athāpi tumhākaṃ evaṃ parivitakko siyā .Brāhmaṇabhāvaṃ sādheti vaṇṇo .
Mantajātīsu pi eseva nayo .
Sīlameva sādhessati brāhmaṇabhāvaṃ .
Kasmāti ce ?
Āha ‘‘ tasmiñhissā ’’ tiādi .
Sammohamattaṃ vaṇṇādayoti vaṇṇamantajātiyo hi brāhmaṇabhāvassa aṅganti sammohamattametaṃ asamavekkhitābhimānabhāvato .